Isaías 25

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

43

44

45

46

47

48

49

50

51

52

53

54

55

56

57

58

59

60

61

62

63

64

65

66

¹Bab-Jehová, be an-Bab-Dummadid. An bega namakoed, an be-nug odummogoed, ar be ibmar-gegerdaklemalad imaksad. Be-Igarmar epennegwad-akale bela napiragwadbiid, degi, inniki maiguad.

²Neggwebur akwamarbi ganna-ganna be urbisad, neggwebur-gandikid, bela oitolesad. Dule-bamalad-e-neggwebur bela oitolesad, neggweburga bar sigissulid.

³A-ulale, dule-gandikmalad be-nug odummoged, a-ulale, neggweburgi dule-gandikmalad be-dobee itomalad.

⁴Ar be dule-wileged-suli-suli-itodiidga be niga ogannosad. Dule-ibmar-abesa-gudiid, be bendaksa gusad. Igar-bulegan-idu be, e-bendakedga gusad, dad-ibeler-gaed-irwa ibmar-nagueyob ega be gusad. Dule-isganamar-e-bunnoedi, burwa-dummad-noeyobi, galu-matusulidgi-gwichigueyobi gued, nega-dulesulidganba neg-diopisur-itolegeyobi gued.

⁵Igi nega-dulesulidganba neg-diopisuli itoledae, deyobi, be dule-yar-baidginmalad-oimakedi, bogidik imaked. Igi mogir dad-ibeler-idu negsichii imakdae, deyobi, dule-bulegan be obeloged.

⁶Bab-Jehová-Bela-Gangued-Nikadi sogded: “Sión-yalagine, bela dulemar-yar-baid-baidgi-bukmaladga, an mas-nuegan-yeer-gullemalad bukidar imakoed. Vino-nuegan-sunsogmalad an bukidar imakoed. Mas-bur-yeer-gullemalad-nuegan, degi, bur vino-sunsogmalad-sulearmalad an imakobaloed.

⁷Ani we-yalagine, mor-dummad dulemar-odukunaidi, esirmakoed. Mor-dummad-dulemar-yar-baid-baidgi-bukmalad-odukunaidi, esirmakoed.

⁸Ani Bab-Jehová, burgwed-igar degisadegu obelogoed. Degi, bela dulemarga ibyanis elioed, bela napneggi, e-dulamar-mesagwar-gudiid onogoed.” Ar Bab-Jehová, e-sunnad deyob sogsad.

⁹A-ibagangine, weyob sogledagoed: “Eye, ar we, anmar-Bab-Dummadid. Anmar egi bensulid, ar we, anmar-abonosad. We, Bab-Jehová gued, egi anmar bengussulid. Anmar wergumarsun, Bab-Jehová-anmar-abonosadgi anmar weligwar itomarsun.”

¹⁰Isaías sogdebalid: “Bab-Jehová we-yala akoed, Moab-yaladi sabsur-odurdaklegoed, igi durgangi annaledii dae, deyob Moab-yala imaklegoed.

¹¹Igi dule-dapumaknadapir, sakwa-onakwiddae, degine, aka dii-urba dogdedae, deyobi, Moab-dulemar e-san-dummarba-itogedbali, aisaar sakwa-onakwesii gumaloenad. Degi-inigwele, Bab-Jehová, we-dulemar e-san-dummarba-imakmalad ei obelogoed. Gannarse we-dulemar barguosulid.

¹²Bab-Jehová ei galu-matusurmalad, degi, neg-gandikmalad bibisgoed, bela napaga obinyoed.”