Isaías 15

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

43

44

45

46

47

48

49

50

51

52

53

54

55

56

57

58

59

60

61

62

63

64

65

66

¹Isaías, Moab-neggwebur-berguoedgi iduakwaa sunmaksad. Moab-neggwebur-Arʼye-nugad bela ayarisad, mutiki bergusad. Moab-neggwebur-Kirʼye-nugad bela ayarisad, mutiki bergusad.

²Dibón-neggweburginmalad, e-bab-dummadse-goled-negse nadmalad, adi, e-bab-dummadga-ibmar-ogumakar-ukleged-ailase bonamalagar. Moab-dulemar Nebo-neggwebur-bergusadga, degi, Medeba-neggwebur-bergusadga, ogormakbukwad. Bela sailagia-swiri-swiri imaksamalad, aku-sigamarse-bakale, bela enismalad.

³Bela-dulemar boedbimalad, galimbabali wile-itoged-mor yoyoidbimalad. Neg-ubebbali ogormakdemalad, dulemar-bukidar-ambikuedgi dulemar boedbimalad.

⁴Hesbón-dulemar, degi, Eleale-dulemar, wile-itogedba binnasuli e-bendakmarye gordidimalad, e-binnasur-gordiidi Jahaza-neggweburse magar itoleged. A-ulale, Moab-sorda-bila-onomalad dobedba-binnasuli gorbukwad, bela-bela egi dobed nagunonikid.

⁵Moab-yar-ulale, an nue-bukib binsaed, E-dulemar, Zoar-neggweburse duurmakmamaid, Eglat-Selesiyáʼye-neg-nugadse duurmakmamaid. Luhitʼye-neg-nugadba ise-boar-boar nakwemamaid. Horonaim-neggwebur-igarba ise-boar-boar nadapmalad.

⁶Nimrim-dianmar bela dingusad, gagan-ara-aramalad bela dingusad. Bar gagan-ara-aramalad nikagussulid, bela gagan-ara-aramalad bergusad.

⁷A-ulale, dulemar-bukidar e-ibmar-nuegan-nikamaladi Sauce-sapimar-dian-maid-obakar sesmalad.

⁸Dulemar-binnasuli-bodiidi, bela Moab-yalagi itolesad. Dulemar-akigindiidi, bela Eglaim-neggweburse warmaksad, degi, Beer-Elimʼye-neg-nugadse warmaksad.

⁹Dimón-dian bela ablisbi-naid, bonigan napi-egi an barmidagoed: Moab-dulemar-duurmakmaidgi achumigur-nono-wawaad an barmidagoed. Amba dulemar-napneggi-bukwadgi achumigur-nono-wawaad an barmidagoed.