Isaías 16

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

43

44

45

46

47

48

49

50

51

52

53

54

55

56

57

58

59

60

61

62

63

64

65

66

¹Isaías sogdebalid: “Sela-neggwebur-nega-dulesulidgi-siid-akale, Sión-yalase, Israel-yala-dakmaidga be sibad-wawaad-senigana barmidmar.

²Moab-dulemar-omegan, nuu-e-uugi-ise-gwayar-noddaedyobi, Arnón-diwargi obakmamai guoed.

³”Moab-dulemar, Sión-dulemarga weyob sogdanimalad: ‘Be igar-amimala, be sogmalo igi be imakmaloe. Neg-ibginedgine mutikidyobi negsichidbi be anmarga nasike. Dule-gwakiar-duurmakarmaladi be odukue, melle dule-dukudimalad be urmako.

⁴Itoba Moab-dulemar-gwakiar-duurmakarmalad be bemar-walik dukudii imako, dule-e-obelobigudiidgi be wis bendako.’ ”Mesagwar-imakleged-ibagan bergusale, sabsur-odurdakleged-ibagan bergusale, napneggi dule-obeloged bergudoed.

⁵Geb Rey-David-wagwa-gwensak, Israel-reyga megnonikoed. E-yar-seoedi, innikigwadba yar seoed, binsaed-nikaa yar seoed, nueganbi dulemar-idugoed, dulemarga igar-naboged ega gwae imaknonikoed.

⁶”Anmar itodiid, Moab-dulemar doggus na san-dummarba-imakmarye. Wemar na bule-bule-na-san-imakdimalad. Dule-buledye na sogdimalad. Doggus-e-sunmakedgi emar-mesagwar imakdimalad. Ar binsarsunna deyob-damalad anmar nue-wisid.

⁷Degisoggu, Moab-dulemar ogormakdemaloed, bela e-yalaga boedbimaloed. Kir-Hareset-uva-maduga bomaloed ega bukib-binsamaloed, bukib-binsaedba ega wile itomaloed.

⁸Ar Hesbón-dulemar-nainu bela dingusad, Sibma-neggwebur-e-uva-nainu deyob naimogad. Dulemar-yar-baid-baidgi-bukmalad-negsemamaid, uva-nainu-nuegan obelosmalad. E-dubagan-Jazer-yalase-warmaknanainadgi, nega-dulesulidganse-warmaknanainadgi, e-dubagan-demarse-batenanainadgi, bela dii-dii imaksamalad.

⁹A-ulale, an Jazer-yala-e-uva-nainubina booed, an Sibma-neggwebur-e-nainuga bomogoed. An Hesbón-dulemarga, Eleale-dulemarga an-ibyanis aryogoed. Ar dule-weligwar-imakega bar e-nainugi ibmar-gwagmar nikuosulid, ibmar-gwagmar gwen bar weelegosulid.

¹⁰Nainugi bar wergulegosulid. Uva-nainugi dulemar bar namake itolegosulid, binnasuli dulemar-goled bar itolegosulid, uva-egurelegedgi dulemar bar uva egured daklegosulid, uva-welegedgi binnasur-gorledaedi ani an osulosad.

¹¹Degisoggu, an-gwage, Moab-dulemar-ular, Kir-Hareset-neggwebur-ular, gar-arpa-dub-nakwamaknaiyobi, wile-itonaid.

¹²Ar Moab-dulemar aisaar na e-bab-dummaganga-ibmar-ogumakar-ukleged-ailase-namalo-inigwele, bendakleged amiosurmalad, yegudamaloed. E-bab-dummadse-goled-neg-islidikidse e-bab-dummadse gornamalo-inigwele, gwen ega igarga guosulid, bela bergus naoed.”

¹³Bab-Jehová weyob epenne Moab-dulemargi ibmar-guoedi sogsagusad.

¹⁴Emidi, Bab-Jehová weyob soged: “Igi-dule unnila birgapaa arbadae, deyobi, birgapaasega Moab-yala-e-yeerdaklegedi, berguoed. E-dulemala burgwemaloed. E-dula, unnila napi-ichee bemaloed, garganguedsuli gumaloed.”