Isaías 50

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

43

44

45

46

47

48

49

50

51

52

53

54

55

56

57

58

59

60

61

62

63

64

65

66

¹Bab-Jehová weyob soged: “Israel-dulemar, ¿an bemar-nan obachasi? Degite, ¿bia abirgin-meted-gardade nadsunna? Anga be oyodo. ¿An doa-dulemarga bemar-egi-mani-ganikidyobi an be-uksamarsunna? An deyob be-uksasurmalad. Ar be-isgued-ular, na be dukin uksamalad. Bemar uaya-sate-gusad-ulale, be-nan oballedsunnad.

²An nonigua, ¿ibiga dule-sate an daknonisunna? An gotegua, ¿ibiga dule gwen an-abin-imaksasursunna? ¿Ar bemar-bendakosurye, be angi binsamala? ¿An bemar-onogega, garganguedsuli be an-dakmala? Ar an sunna, demar, ilagwensaale dinna saed. Ar an sunna, diwarmar, nega-dulesulidga-nai imaked. Uamar e-mas-satedba burgwideled. Dii-dingudedba uamar bela nungudeled.

³An sunna mogir-billi nega-gubyagwaledbi-nai an imaked, mor-sichid-naidyobi an imaked.”

⁴Bab-Jehová binsaed-ibegan-sunmaked-gwabinduku anga uksad, adi, dulemar-geggus-gudimalad-e-gwage gadi-gadi-imakegar. Bab-Dummad bane-bane wakudaryalabali an-odaked, ibmar-itogega an-imaked, adi, dule-ibmar-durdaknaidyobi an ibmar durdakegar.

⁵Bab-Jehová ibmar-magar-itogega an-imaksad, an eba uayasuli gussulid, an eba ibsassuli gwen gussulid.

⁶Dulemar-an-bibyonanaidga an-yargan an oyosad. Dulemar-an-siga-sabsur-ungemaladgi, an-aku an gwen odukussulid. Degine, dule-angi-dodomaladgi, degi, angi-wiakmaladgi, an-wagar an gwen odukussulid.

⁷Ar Bab-Jehová-Bur-Birigined an-bendaked, degisoggu, mesagwar-imaklenaidgi an bai itossulid. A-ulale, akwasailayob an na gandik imaksad. Ar an wisid, an bingeguosulid.

⁸Dule-an-irwa-gwisguedi, an-nagaba gudiid. ¿Degisoggu, doa anbo gala-itobie? Dule anbo-gala-itobiele, ¡anse dagdo! Dule angi gwisgubiele, ¡anga ibmar sogdado!

⁹¡Ar Bab-Jehová-Bur-Birigined an-bendakdaed! ¿Doa sabsur-odurdakleged-igar anga mesosunna? Ar an-isdarmaladdi, ilagwen-berguar gudoed, igi mor suuse-gulledae, deyobi namaloed.

¹⁰¿Doa bemar-abargi Bab-Jehová-dobee gudii? ¿Doa Bab-e-mai-sogedba nanadii? Dule sated. Dule-negasichidba-nanadiidi, neg-meegwadba-nanadisulidi, a-dule, Bab-Jehováʼgi bensuli guoed, e-Bab-Dummadgi alakwaa naguoed.

¹¹Ar bemar na soo ogadamalad, na be gwinnur ogadamarbalid. Bemar na be soo-ogadamaladgi be nanabukmalad, na be gwinnur-ogadamaladgi be nanabukmalad. Degi-inigwele, an we-ibmarmargi sabsur-bemar-odurdakoed: Igar-bulegangi be sabsur-odurdaklemaloed.