Yoube 26

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

¹Yoube da amane sia:i,

²“Dilia da na fidiba:! Na da hahani amola gasa hame galebe.

³Di da nama fada:i sia: noga:idafa olelesase! Na da gagaoui dunu, be dilia da dilia bagade dawa:su nama olelesase!

⁴Dilia sia: huluane, nowa da nabima:bela:? Nowa da olelebeba:le, dilia amane sia:sala:?” Bilida:de da amane sia:i,

⁵“Bogoi dunu ilia a:silibu osobo hagududi hano amo ganodini fofogosa.

⁶Gode da bogoi dunu ilia soge ba:lala. Ea siga mae ba:ma:ne, amo soge da hame alaloi.

⁷Gode da ga (north) mu amo gasi gagai. E da osobo bagade hame fufua amo ganodini gosagisi.

⁸Gode Hi fawane da mu mobi amo hanoga nabalesisa. Amola ilia dioi bagadeba:le, ili mae fudagala:ma:ne hamosa.

⁹E da oubi ufa: amo mobiga uligilisisa.

¹⁰E da gasi amola hadigi mogima:ne, osobo bagade dogoa sisiga:le dedenesi.

¹¹Fedege agoane, E da bada amoga mu udidili gaguia gadosa, amoma badugusia, ilia da beda:ga fofogosa.

¹²E da Ea gasaga, hano wayabo bagade hasalasi. E da gasa bagadeba:le, wadela:i ohe bagade La:iha:be gugunufinisi.

¹³Gode Ea lafi holo da mu haisewe hamoi. Amola ohe bagade da hobeamusa: dawa:loba, E da amo Ea loboga medole legei.

¹⁴Be Ea gasa bagade hou da amo bagadewane baligisa. Amo hou ninia nababeba:le, da sadoga sia: agoai gala. Bai nowa da Gode Ea Gasa Bagadedafa hou dawa:ma:bela:?”