IOBU 26

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

¹Bena Iobu na e haere, eto:

²Emui heduru, asi siahuna tauna enai, namona be dahaka? Emui hahemauri, imana asi goadana tauna enai, namona be dahaka?

³Emui hahealo, asi aonegana tauna enai, namona be dahaka? Diba-maoro vada o gwauraia davana a?

⁴Daika ena heduru ai hereva vada o gwaurai? Daika laumana na oiemu amo vada e lasi?

⁵Mase gabuna ai e nohomu laumadia na e heude-heudemu, ranu bona davara mai inoholaidia ḡaudia ida danu.

⁶Mase gabuna na eme ḡaḡae, Dirava vairanai; bona dobu-masemase gabuna na asi iḡovalaina.

⁷Ia ese mirigini kahana e idia roromu, gabu gagaena daenai; tanobada ia ese e atoamu, dia ḡau ta latanai.

⁸Ia ese ranu e hahebouamu, ena duba dagadagana ai; a dagadaga na se pararamu.

⁹Ena terono e ḡovaiamu, ena dagadaga amo e ḡovaia ahumu.

¹⁰Hetoa na gadobada ai e karaia heḡeḡe, diari bona dibura hetoadia.

¹¹Guba au-tubuadia e heude-heudemu; iena gwaugwau dainai e hoa takumu.

¹²Ia siahuna amo davara e hagaimaia; ena lalo-parara amo Rahaba e rahua mase.

¹³lena lai ese vala e hanamoa; ia imana ese e vero haraḡa-haraḡamu gaigaina na e gwadaia mase.

¹⁴A itaia, ini na ena kara rimuna mo; ia harina sisina mo ta kamonai lahulahumu, a iena siahu reḡena, guba-rahurahu na heto, daika dibana?