SOHP 26

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

¹Ia uwen laud en omw sawas ong ie— aramas semwehmwe oh luwet emen ngehiet!

³Komw kihongieier kaweid mwahu oh sewesehki soangen aramas pweipwei men ngehiet en iang paieki omwi loalokong!

⁴Ihs me komw lemeleme me pahn rong omwi koasoi kan? Ihs me audehkin komwi soangen koasoi pwukan?

⁵Ngenen me melahr akan kin rerrer nan pihl akan pahn sampah.

⁶Sapwen me melahr akan kin ritidahng Koht; sohte mehn sansar mehn perehsang silangi.

⁷Koht ketin katehlapahla pahnlahng en paliepeng oh tenekihda sampah en langalang nan wehwe.

⁸Iei ih Koht me ketin audehkihla pihl pahnlahng oh ketin kolokol pwe en dehr toutoula oh wudekpeseng.

⁹E kin ketin karirihala maram pahn depwek.

¹⁰E ketin katohrepeseng marain oh rotorot ni eh ketikihdi irap pwonopwon ehu pohn madau.

¹¹Ni eh kin ketin kamasak uhr kan me utungada pahnlahng re kin itikekda oh rerrerki ar masepwehk.

¹²Iei sapwellime roson me kalowehdi madau; oh nin lime manaman me e ketin kauwehkihla Rahap, mahn kamasepwehko.

¹³Engin doauese me kamwakelehda pahnlahng, oh nin lime me kemehla mahn kamasepwehko.

¹⁴Ahpw mepwukat iei mehkot tikitik en sapwellime manaman, ihte ngilen mwenginingin me kitail rongehr. Ihs me ese ia uhdahn uwen sapwellimen Koht lapalap?