1Ɔ̃ Yobu mɛ̀:
2N dↄ yɛ̃̀ɛɛsaidelɛn wee? N ↄdà gbãasaidewan wea?
3N lɛdà ↄ̃nↄsaidewan wee? N bↄ ń wɛzɛ̃ zↄ̃ↄon wee?
4N yã́pi ò ń dé gbãao ni? Démɛ dↄ̀aanɛ n yã́ bee òi?
5Gyaadeↄ lɛ́ pelembo ísia ń pↄ́ pↄ́ kú a guuↄ zíɛ.
6Bɛda yãe ulɛa Luaɛo, pↄe daaɛ̀ gɛↄbɛlao.
7Ì gugbãntoo musu kpálɛ bàlumaa, a tò dṹnia gola síiↄ̃ looa pↄewao.
8Ì í ye a bɛ puanau. Ń ípi gbiakɛo luabɛpuanapi lí pũnao.
9Ì pↄ́ku mↄvuala, ì luabɛsiana na azĩai.
10À iadà ísiaɛ gu'ea lɛ́ zɛlɛu, a dɛ kↄↄ ũ gupua ń gusiao zãnguo.
11Tó Lua pũ̀na, gu ì dee, tó à kã̀a, ì bↄ ń saɛ.
12À ísia yà ń a gbãao, à kwãsa wìwi ń a dↄ̃ao.
13A tò gu wèe ń a lɛ́'ĩanao, à mlɛ̃̀ kↄ̃̀nikↄ̃ni bàwãade zↄ̃̀ɛ ń ↄo.
14Aà yãkɛaeↄn we, a yↄↄna wálɛ ma we. Wá fↄ̃ wà aà gↄ̃sakɛyãↄ gbadↄ̃ píio.
