1Si Isacar, ne zuen anak din he heepat he menge maama: si Tola, si Pua, si Jashub, wey si Shimron.
2Ne is menge anak ni Tola, ne iyan si Uzi, Refaya, Jeriel, Jamai, Ibsam, wey si Shemuel. Heini sikandan ne iyan menge pengulu te menge pemilya zan. Ne hein iyan hadì si David, ne is kezakel te menge maama he ebpuun te menge kevuwazan ni Tola he memahagtì he menge sundaru ne 22,600.
3Is anak ni Uzi he maama, ne iyan si Izrahia. Si Izrahia wey kes heepat he menge anak din, ne iyan si Micael, Obadias, Joel, wey si Ishia ne menge pengulu te menge pemilya zan.
4Mezakel is menge esawa zan wey menge anak dan, umbe sumalà te listahan te menge kevuwazan dan ne zuen kandan 36,000 he menge maama he andam he ebpenilbi pinaaǥi te kegkesundaru.
5Is kezakel te menge maama he ebpuun te kevuwazan ni Isacar he memahagtì he menge sundaru, ne 87,000 sumalà is diyà te listahan te menge kevuwazan dan.
6Si Benjamin, ne zuen anak din he tetelu he menge maama: si Bela, si Beker, wey si Jediel.
7Si Bela, ne zuen anak din he lelima he menge maama: si Ezbon, si Uzi, si Uziel, si Jerimot, wey si Iri. Menge pengulu heini sikandan te menge pemilya zan. Ne is kezakel te memahagtì he menge sundaru zan, 22,034, sumalà is diyà te listahan te menge kevuwazan dan.
8Is menge anak ni Beker ne si Zemira, Joash, Eliezer, Elioenai, Omri, Jeremot, Abia, Anatot, wey si Alemet. Iyan heini sikandan menge anak ni Beker.
9Ne is kezakel te memahagtì he menge sundaru zan, 20,200. Heini sikandan wey is menge pengulu te menge pemilya zan ne nelista ziyà te listahan te kevuwazan dan.
10Is anak ni Jediel ne si Bilhan. Ne is menge anak ni Bilhan, ne iyan si Jeush, Benjamin, Ehud, Kenaana, Zetan, Tarshish, wey si Ahishahar.
11Heini sikandan ne menge pengulu te menge pemilya zan. Ne 17,200 is memahagtì kandan he andam he ebpesundaru.
12Is menge anak ni Ir ne iyan si Shupim wey si Hupim, ne is anak ni Aher ne iyan si Hushim.
13Is menge anak ni Naftali he menge maama, ne iyan si Jaziel, Guni, Jezer, wey si Shilem. Menge kevuwazan sikandan ni Bilha is iney ni Naftali.
14Duen dezuwa he anak ni Manase ziyà te esawa zin he Aramihanen, he si Asriel wey si Makir. Si Makir ne amey ni Gilead
15ne si Makir nen-ahà te ibpeesawa ki Hupim wey ki Shupim. Duen etevey ni Makir he egngezanan ki Maaca. Is sevaha pa he anak ni Makir iyan si Zelofehad he pudu vahi is menge anak din.
16Duen daan anak ni Makir he menge maama ziyà te ki Maaca he egngezanan ki Peresh wey ki Sheresh. Is menge anak ni Peresh he menge maama iyan ensi Ulam wey Rakem.
17Is anak ni Ulam he maama iyan si Bedan. Iyan heini sikandan menge kevuwazan ni Gilead he anak ni Makir, he apù ni Manase.
18Is etevey ni Gilead he si Hamoleket duen menge anak din he menge maama he iyan si Ishhod, Abiezer, wey si Mala.
19Ne is menge anak ni Shemida he menge maama ne si Ahian, Shekem, Likhi wey si Aniam.
20Iyan heini menge kevuwazan ni Efraim: si Shutela, Bered, Tahat, Eleada,
21Zabad, wey si Shutela. Is menge anak ni Efraim he si Ezer wey si Elead, midhimetayan sikandan te menge meǥinged diyà te Gat, su ebpenakew zan te menge uyaǥen.
22Neuǥet is kedlalew ni Efraim te kemetayen dan, ne midhendiyà is menge kezuzumahi zin su edlenganen dan sikandin.
23Ne liwas dutun, mid-uvayan ni Efraim is esawa zin ne mibmeǥingey ne mid-anak te maama. Ne migngezanan ni Efraim haazà is batà te Beria, tenged te utew mesakit he neulaula zutun te kandan he pemilya.
24Duen anak ni Efraim he vahi he si Sheera. Heini sikandin ne iyan midtukud te mevavà wey metikang he lugar te Bet Horon wey te Uzen Sheera.
25Duen pa menge kevuwazan ni Efraim he si Reshef, Tela, Tahan,
26Ladan, Amihud, Elishama,
27Nun, wey si Josue.
28Is menge tanà he nekuwa wey ed-ubpaan te menge kevuwazan ni Efraim, ne iyan is Betel wey is nekeliǥuy kayi he menge lugar, is Naaran he zapit te edsilaan wey is Gezer he zapit te edsenlepan wey is menge lugar he nekeliǥuy kayi, is Sekem wey menge lugar he nekelingut kayi pehendiyà te Aya wey te menge sakup kayi he lugar.
29Is menge kevuwazan ni Manase iyan nekeǥaked te menge lugar te Bet Shan, Taanac, Megido, wey Dor, wey apil is menge lugar he nekelingut kayi. Iyan haazà menge inged he mid-ubpaan te menge kevuwazan ni Jose he anak ni Israel.
30Is menge anak ni Asher he menge maama, ne iyan si Imnah, Ishva, Ishvi, wey si Beria. Is etevey zan ne si Sera.
31Is menge anak ni Beria he menge maama ne si Heber wey si Malkiel. Si Malkiel ne amey ni Birzait.
32Si Heber amey ni Jaflet, Shomer, wey ni Hotam. Is etevey zan ne iyan si Shua.
33Is menge anak ni Jaflet he menge maama, ne iyan si Pasac, Bimhal, wey si Ashvat.
34Is menge anak ni Shomer he menge maama ne si Ahi, Roga, Huba, wey si Aram.
35Is menge maama he anak te suled ni Shomer he si Helem ne iyan si Zofa, Imnah, Shelesh, wey si Amal.
36Is menge anak ni Zofa he menge maama, ne iyan si Sua, Harnefer, Shual, Beri, Imra,
37Bezer, Hod, Shama, Shilsha, Itran, wey si Beera.
38Is menge anak ni Jeter he menge maama, ne iyan si Jefune, Pispa, wey si Ara.
39Is menge anak ni Ula he menge maama, ne iyan si Ara, Haniel, wey si Rizia.
40Sikandan is langun menge kevuwazan ni Asher he menge pengulu te menge pemilya zan. Memetau sikandan he menge sundaru wey nevantug he menge pengulu. Ne is kezakel zan te menge maama he kevuwazan ni Asher he andam he ebpesundaru 26,000 sumalà is diyà te listahan te menge kevuwazan dan.
