1Isacar-e-masmala-walabakegwad, wemalad: Tola, Fúa, Jasub, degi, Simrón.
2Tola-e-masmala, wemalad: Uzi, Refaías, Jeriel, Jahmai, Jibsam, degi, Semuel. Wemar, e-gwenadgan-e-gwenadgan-e-dummaganad. Degine, David-negsemaiunni, Tola-e-wagan dule-bila-onomalad-bulegan, mili-dulagwen-gakabo gaka dulataled-ilanergwa (22,600) mergu-nika daklealid.
3Uzi machi-wargwen-nikusad, Israhíasʼye-nugad. Israhías-e-masmala, wemalad: Micael, Obadías, Joel, degi, Isías. Bela wemar e-dummagan-walataled gumalad.
4We-dulemarde omegan-bukidar-nikamarsoggua, degi, mimmigan-bukidar-nikusmarbarsoggua, e-gwenadgan-e-gwenadganba-nug-ilemakar-maidgi, sorda-bila-onomalad-e-nugmar, mili-dulagwen-gakambe-gakanergwa (36,000) mergu-nika daklealid.
5Isacar-wagan-e-gwenadgan-e-gwenadgangi-bela-danimalad, e-dadgansik-e-nug-ilemakar-mamaidgi dule-gandikmalad-bila-onomalad, mili-dulabake-gakagugle (87,000) mergu-nika daklealid.
6Benjamín-e-masmala-warbaagwad, wemalad: Bela, Bequer, degi, Jediael.
7Bela-e-masmaladi, wemarmogad: Ezbón, Uzi, Uziel, Jerimot, degi, Iri. Wemar-e-ataledi, e-gwenadganga dummaganga gudii gusmalad. A-uki, gala-ibegan nanabalid. E-dadgansik-e-nug-ilemakar-maidgi, sorda-gandikmalad-bila-onomalad, mili-dulagwen-gakabo gaka dulagwen-gakambe-gakabake (22,034) mergu-nika daklealid.
8Bequer-e-masmaladi, wemarmogad: Zemira, Joás, Eliezer, Elioenai, Omri, Jerimot, Abías, Anatot, degi, Alamet. Bela-wemar, Bequer-e-masmala gumalad.
9Amarde, e-gwenadgan-e-dummaganga gudii gusmalad. E-dadgansik nug-ilemakar-maidgi, sorda-gandikmalad-bila-onomalad, mili-dulagwen gaka dulataled-ilabo (20,200) mergu-nika daklealid.
10Jediael-machi weyob nugad: Bilhán. Bilhán-e-masmaladi, wemarmogad: Jeús, Benjamín, Aod, Quenaana, Zetán, Tarsis, degi, Ahisahar.
11Bela-wemar, Jediael-e-wagan gumalad. A-uki, bela we-masmalade, e-gwenadgan-e-dummaganbalid. Bergwable bila-ononaddamalad, miliambe-gakagugle gaka dulataled-ilabo (17,200) mergued.
12Hir-e-wagan, wemalad: Supim-dulemar, Hupim-dulemar. Aher-e-wagan, degi, Husim-dulemar. Bela-wemar Hir-e-wagan gumalad.
13Neftalí-e-masmala, wemalad: Jahzeel, Guni, Jezer, degi, Salum. Wemar, Bilha-e-wagan gumalad.
14Manasés-e-wagan, wemalad: Manasés, Siriaʼgined-e-ome-dikarbalidga masmala walabo baksad, Asriel, degi, Maquir. Maquirʼdi, Galaad-e-babad.
15Maquirʼdi, Hupim, degi, Supim-e-bun Maacaʼye-nugad nikusad. Maquir baid-machi nikusad, Zelofehadʼye nugad. Zelofehadʼdi, bunamalabi-nikusad, masmala-nikussulid.
16Maquir-e-ome-Maaca machigwa-baknonikid, Peresʼye onug-imaksad. Geb baid-machigwa-baksabalid. We-e-urbadina, Seresʼye onug-imaksad. Seres-e-masmala, wemalad: Ulam, Requem.
17Ulam-e-machidi, wedid: Bedán. Wemala, Galaad-e-masmala gumalad. Galaadʼde, Maquir-e-machid, Manasés-e-wagwabalid.
18Galaad-e-bun-Hamolequet, we-masmala baknonikid: Isod, Abiezer, degi, Mahala.
19Semida-e-masmala, wemalad: Ahián, Siquem, Likhi, degi, Aniam.
20Efraín-e-wagan, wemalad: Sutela. Sutela-e-machidi, Bered. Bered-e-machidi, Tahat. Tahat-e-machidi, Elada. Elada-e-machidi, Tahat.
21Tahat-e-machidi, Zabad. Degi, Zabad-e-machidi, Sutela. Degine, Efraín e-machi-baigandi, wemalad: Ezer, degi, Elad. Wemar-ebogwad Gat-neggweburse moli-bebe-nikamalad-atursaega nadegusmalad. Agine, Gat-dulemar, wemar-ebogwad-oburgwismalad.
22Efraínʼdi, e-masmala-Ezer, degi, Elad, burgwismalad-ular, beedse-bukib-binsadii gusad. Degi, Efraín-e-gwenadgan, Efraín-baisur-ito-imakega ese nonigusmalad.
23Deyob-neggusad-sorbali, Efraín e-omese gornonikid. Degidba, e-ome, ega machigwa-baksad. Agala, Efraín, e-neguyagi nunmaked-dummad-nagusadba, Beríaʼye e-machi-onug-imaknonikid.
24Bería-e-sisgwade, Seeraʼye nugad. Seeraʼde, Bet-Horón-neggwebur-urbalid urbisad, degi, Bet-Horón-neggwebur-birgined urbisbalid. Deginbali, Uzen-Seera-neggwebur urbisbalid.
25Bería-e-wagan, wemalad: Bería-e-machi, Refa. Refa-e-machidi, Resef. Resef-e-machidi, Telah. Telah-e-machidi, Tahán.
26Tahán-e-machidi, Laadán. Laadán-e-machidi, Amiud. Amiud-e-machidi, Elisama.
27Elisama-e-machidi, Nun. Degi, Nun-e-machidi, Josué.
28We-Efraín-e-waganga yar-uklesad. We-yargi neggweburmar, degi, e-neggwebur-burwiganase-bakar, Efraín-waganga uklesad. We-neggweburmargi, ega Betel-neggwebur uklesad. Dad-nakwedsiki, Naarán-neggwebur ega uklesbalid. Dad-argwanedsiki, Gezer-neggwebur ega uklesbalid. Degi, Siquem-neggwebur-akale, Gaza-neggweburse ega uklesbalid.
29Efraín-yar Manasés-wagan-e-yarbo-abingunaidgi, Efraín-waganga we-neggweburmar, degi, e-neggwebur-burwiganase-bakale, ega uklesbalid: Bet-Seán-neggwebur, Taanac-neggwebur, Meguido-neggwebur, degi, Dor-neggwebur. We-neggwebur-gwabakegwadgi Israel-machi-José-masmala-e-wagan ambikusad.
30Aser-e-masmala, wemalad: Imna, Isúa, Isúi, Bería. Degi, a-masmala-e-bundi, Seraʼye nugad.
31Bería-e-masmaladi, wemarmogad: Heber, Malquiel. Malquielʼdi, Birzavit-e-babad.
32Heber mimmigan-nikusadi, wemalad: Jaflet, Somer, Hotam. Degi, a-masmala-e-bundi, Súaʼye nugad.
33Jaflet-e-masmaladi, wemarmogad: Pasac, Bimhal, degi, Asvat.
34Semer-e-masmaladi, wemarmogad: Ahí, Rohga, Jehúba, degi, Aram.
35E-urba-Helem-e-masmaladi, wemarmogad: Zofa, Imna, Seles, degi, Amal.
36Zofa-e-masmaladi, wemarmogad: Súa, Harnefer, Súal, Beri, Imra,
37Beser, Hod, Sama, Silsa, Itrán, degi, Beera.
38Jeter-e-masmala, wemalad: Jefone, Pispa, degi, Ara.
39Ula-e-masmala, wemalad: Ara, Haniel, degi, Rezia.
40Bela-wemar, Aser-e-wagan nanaed. Degi, bela e-gwenadgan-iduedga gusmaladid. De-ukinbali, dule-nug-nikamalad gusmarbalid, dule-gandikmalad gusmarbalid. E-dadgansik-nug-ilemakar-maidgi, wemar-e-nug narmakar-maidi, dule-bila-ononaddamaladi, mili-dulagwen-gakanergwa (26,000) mergu-nika daklealid.
