لُكِ 1:27-76

²⁷عَ عَ شّي فِنّدِ مّدِ ندٍ نَن شْن مَ، شّمّ نُ بَرَ نَشَن شَ كٌتٍ دْشْ. نَ شّمّ نُ قَتَنشِ دَوُدَ بْنسْي نّ، عَ نُ شِلِ يُسُقُ. فِنّدِ مّدِ قَن نُ شِلِ مَرِيَمَ.

²⁸مَلٍكّ تٌ سِفَ عَ شْن، عَ نَشَ عَ مَسٍن عَ بّ، «عِ كّنَ، عِ تَن مَرِفِ هِننّشِ نَشَن نَ. مَرِفِ نَ عِ قّ مَ!»

²⁹مَرِيَمَ نَشَ عِقُ نَ وْيّنيِ مَ. عَ مُ نُ عَ كٌلٌن يِ قِندِشِ شّيبُي مْولِ يٌ رَ.

³⁰مَلٍكّ نَشَ عَ مَسٍن عَ بّ، «مَرِيَمَ، عِ نَشَ فَاشُ، بَرِ مَ عَلَ بَرَ هِننّ عِ رَ.

³¹عَ مَتٌ، عِ قَمَ تّيفّدٍ دِ شّمّ مَ. عِ نَ عَ بَرِ، عِ شَ عَ شِلِ سَ عِسَ.

³²عَ بِنيّ سْتْمَ، عَ شِلِ قَلَ عَلَ شِلِ شُنفبٍ كَنيِ شَ دِ. مَرِفِ عَلَ قَمَ نّ عَ بٍنبَ دَوُدَ شَ مَنفّيَ قِدٍ عَ مَ.

³³عَ قِندِ مَ نّ يَشُبَ بْنسْي شَ مَنفّ رَ عَبَدَن، دَنيِ يٌ مُ لُمَ عَ شَ مَنفّيَ مَ.»

³⁴مَرِيَمَ نَشَ مَلٍكّ مَشْرِن، «يِ قٍ نْمَ رَبَدٍ دِ، ﭑ تٌ قَ قِندِشِ فِنّدِ مّدِ نَن نَ؟»

³⁵مَلٍكّ نَشَ عَ يَابِ، «عَلَ شَشِلِ سّنِيّنشِ نَن قَمَ عِ مَ، عَلَ شِلِ شُنفبٍ كَنيِ سّنبّ قَ عِ شُن مَ. نَ نَن عَ تٌشِ، عِ قَمَ يِ دِ نَشَن بَرِدٍ، عَ قِندِ مَ سّنِيّنتْي رَ، عَ شِلِ قَلَ عَلَ شَ دِ.

³⁶عَ مَتٌ، عِ بَرٍنيِ عٍلِسَبّتِ قَن بَرَ تّيفّ دِ شّمّ مَ عَ شَ قٌرِحَ كُي. عٍ نُ عَ شِلِ قَلَمَ دِبَرِتَرٍ، كْنْ عَ قُرِ كِكٍ سٍننِ نَن عَ رَ يِ كِ.

³⁷سٍسٍ مُ نَ عَلَ مُ نْمَ نَشَن نَبَدٍ.»

³⁸مَرِيَمَ نَشَ عَ يَابِ، «مَرِفِ شَ كٌنيِ نَن ﭑ نَ. عَ شَ رَبَ ﭑ بّ عَلْ عِ عَ قَلَشِ كِ نَشّ.» نَ شَنبِ، مَلٍكّ نَشَ كٍلِ عَ شُن مَ.

³⁹نَ تّمُي مَرِيَمَ نَشَ سِفَ مَقُرٍن تَا ندٍ يُدَيَ فٍيَ يِرٍ.

⁴⁰عَ تٌ سٌ سَكَرِ شْنيِ، عَ نَشَ عٍلِسَبّتِ شّيبُ.

⁴¹عٍلِسَبّتِ تٌ مَرِيَمَ شَ شّيبُي مّ، دِيْرّ نَشَ عَ رَ مَشَ عَ تّيفّ، عَلَ شَشِلِ سّنِيّنشِ قَ فٌرٌ عٍلِسَبّتِ مَ.

⁴²عَ نَشَ عَ قَلَ عَ شُي عِتٍشِ رَ، «عَلَ بَرَ بَرَكَ سَ عِ مَ دَنفِ فِنّ بِرِن نَ، عَ بَرَ بَرَكَ سَ عِ شَ دِ مَ نَشَن نَ عِ تّيفّ.

⁴³ﭑ تَن يِ هّيرِ سْتْشِ دِ، ﭑ مَرِفِ نفَ شَ قَ ﭑ شْنيِ؟

⁴⁴عَ مَتٌ، ﭑ تٌ عِ شَ شّيبُي مّ، ﭑ مَ دِيْرّ بَرَ عَ رَ مَشَ ﭑ تّيفّ سّيوّ رَ.

⁴⁵سّيوّ نَ عِ بّ، عِ تَن نَشَن لَشِ عَ رَ عَ مَرِفِ شَ مَسٍنيِ كَمَلِمَ نّ، عَ نَشَن مَسٍن عِ بّ.»

⁴⁶مَرِيَمَ نَشَ قَ عَ مَسٍن، «ﭑ نِي بِرِن مَرِفِ مَتْشْمَ!

⁴⁷ﭑ شَشِلِ بَرَ سّيوَ عَلَ ﭑ نَكِسِمَ رَ،

⁴⁸عَ تٌ عَ يَ رَفٌرٌشِ عَ شَ كٌنيِ مَفٌرٌشِ مَ. كٍلِ يِ وَشَتِ مَ هَن وَشَتِ نَشَن بِرِن سَ قَمَ، مِشِيٍ ﭑ شِلِ قَلَمَ نّ ‹سّيوَتْي›،

⁴⁹بَرِ مَ سّنبّ كَنيِ بَرَ قٍ شُنفبٍيٍ رَبَ ﭑ بّ. عَ شِلِ سّنِيّن.

⁵⁰عَ كِنِكِنِمَ وَشَتِ بِرِن مِشِيٍ مَ، نَشٍيٍ فَاشُمَ عَ يَ رَ.

⁵¹عَ شَ وَلِيٍ بَرَ عَ سّنبّ مَسٍن. عَ بَرَ يّتّ عِفبٌي رَيٍنسٍن.

⁵²عَ بَرَ مَنفّيٍ بَ عٍ شَ كِبَنيِيٍ كُي، عَ مِشِ مَفٌرٌشِيٍ شَ قٍ عِتٍ.

⁵³عَ بَرَ كَامّتْييٍ رَوَ سَ سٍ قَنيِ رَ، عَ بَننَمِشِيٍ رَ سِفَ عٍ يِ عِفٍلِ رَ.

⁵⁴عَ بَرَ عَ شَ كٌنيِ عِسِرَيِلَ مَلِ، عَ مُ نّيمُشِ كِنِكِنِدٍ عَ مَ.

⁵⁵عَ كِنِكِنِمَ نّ عِبُرَهِمَ نُن عَ شَ دِيٍ مَ عَبَدَن، عَلْ عَ عَ قَلَ وٌن بٍنبَيٍ بّ كِ نَشّ.»

⁵⁶مَرِيَمَ نَشَ لُ عٍلِسَبّتِ يِرٍ كِكٍ سَشَن حْندْن، عَ قَ فبِلٍن عَ شْنيِ.

⁵⁷عٍلِسَبّتِ شَ دِ بَرِ تّمُي تٌ عَ لِ، عَ نَشَ دِ شّمّ سْتْ.

⁵⁸عَ دْشْبٌورٍيٍ نُن عَ بَرٍنيِيٍ تٌ عَ مّ عَ مَرِفِ بَرَ كِنِكِنِ عَ مَ كِ قَنيِ، عٍ نُن عٍلِسَبّتِ نَشَ سّيوَ.

⁵⁹عَ شِ سٌلٌمَسَشَن لْشْي، مِشِيٍ نَشَ قَ دِيْرّ سُننَدٍ. عٍ نُ وَشِ دِ شِلِ سَقٍ عَ بَبَ سَكَرِ شُن مَ،

⁶⁰كْنْ عَ نفَ نَشَ عَ قَلَ، «عَدٍ، عَ شِلِ سَمَ نّ يَيَ.»

⁶¹عٍ نَشَ وْيّن عَ بّ، «مِشِ يٌ مُ نَ عِ شَ مِشِيٍ يَ مَ يِ شِلِ نَ نَشَن شُن مَ.»

⁶²عٍ نَشَ تْنشُمَ رَبَ دِ بَبَ بّ عٍ شَ عَ كٌلٌن عَ وَ مَ عَ شِلِ شَ سَ كِ نَشّ.

⁶³سَكَرِ تٌ وَلَشّ مَشْرِن، عَ نَشَ عَ سّبّ، «عَ شِلِ يَيَ.» عٍ بِرِن نَشَ كَابَ.

⁶⁴كٍرٍن نَ، سَكَرِ نّنيِ نَشَ كٍلِ، عَ وْيّن، عَ سٌ عَلَ تَنتُقٍ.

⁶⁵عٍ دْشْبٌورٍ بِرِن نَشَ فَاشُ نَ قٍ مَ. يُدَيَ فٍيَ بْشِ بِرِن مَ، مِشِيٍ نُ نَ قٍيٍ نَن عِقَلَمَ.

⁶⁶عٍ تٌ عَ مّ، بِرِن نُ عٍ حْشْ سَشِ يِ قٍيٍ شْن مَ، عٍ نُ عَ قَلَ، «يِ دِ قِندِ مَ ندٍ رَ؟» عٍ عَ كٌلٌن مَرِفِ بّلّشّ نُ نَ عَ شُن مَ.

⁶⁷عَلَ شَشِلِ سّنِيّنشِ نَشَ فٌرٌ عَ بَبَ سَكَرِ مَ، عَ نَشَ يِ مَسٍنيِ تِ عَلَ شِلِ رَ،

⁶⁸«تَنتُي نَ عَلَ بّ، عِسِرَيِلَ مَرِفِ عَلَ! عَ بَرَ قَ عَ شَ مِشِيٍ شُنمَتٌدٍ، عَ عٍ شُنسَرَ.

⁶⁹عَ بَرَ مَرَكِسِمَ سّنبّمَ رَكٍلِ عَ شَ كٌنيِ دَوُدَ بْنسْي يَ مَ،

⁷⁰عَلْ عَ نُ عَ مَسٍنشِ كِ نَشّ تّمُي دَنفِشِ، عَ شَ نَمِحْنمّ سّنِيّنتْييٍ سَابُي رَ.

⁷¹عَ عَ مَسٍن نّ، عَ عَ وٌن نَكِسِمَ وٌن يَشُييٍ يِ رَ، عَ وٌن بَ وٌن شْنمَيٍ بِرِن بّلّشّ.

⁷²عَ بَرَ كِنِكِنِ وٌن بٍنبَيٍ مَ، عَ بَرَ رَتُ عَ شَ سَاتّ سّنِيّنشِ مَ.

⁷³عَ لَايِدِ نَن تٌنفٌ وٌن بٍنبَ عِبُرَهِمَ بّ،

⁷⁴عَ عَ وٌن بَمَ وٌن يَشُييٍ بّلّشّ، عَلَكٌ وٌن شَ نْ عَ بَتُدٍ بْحّسَ كُي،

⁷⁵وٌن شَ نْ حّرّدٍ سّنِيّنيِ نُن تِنشِنيِ كُي، وٌن حّرّ عَ يَ عِ وٌن مَ سِمَيَ لْشْي بِرِن.

⁷⁶عِ تَن، ﭑ مَ دِ، عِ شِلِ قَلَمَ نّ عَلَ شِلِ شُنفبٍ كَنيِ شَ نَمِحْنمّ، بَرِ مَ عِ سِفَمَ نّ مَرِفِ يَ رَ كِرَيٍ يَءِلَندٍ عَ بّ،