Jesaja 39

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

43

44

45

46

47

48

49

50

51

52

53

54

55

56

57

58

59

60

61

62

63

64

65

66

¹Dameŋ ira Baladaŋte ŋokâ ʒâŋene Merodac‐Baladaŋ, Babe ŋicwofuŋ hâcne, e papia â bubiaŋte wiac Hisikiarao râeme rawec. E Hisikia huc bame foku mocwâc ɋiɋic qawec irec biŋe manawecte iŋuc ewec.

²Eme Hisikia e irec bubiaŋ manarâ kiŋaŋŋic jaŋe boreŋ ʒeŋaŋfic‐ticne jowatuwec, ine siliwa mecne, gol mecne, wiac âsu biaŋhec mecne, wokemaŋ furi sâko mecne â ʒikare wiac irec fic mecne, erâ wâc moneŋ boreŋficko wiac forawec i sasawa jowatu‐fârewec. Ŋicwofuŋ ficticnao â mâreŋ‐ticne sasawao wiac fofârewec i Hisikiazi moc mi hesoŋke‐jarehuc jowatu‐fârewec hâcne.

³Eme porofete Jesaja e ŋicwofuŋ Hisikiarao ra ʒiŋuc mu wioc ecnewec: “Ŋic keci jaŋe wemo dâŋ gazambieŋ erâ wenirec ware fua‐garembieŋ?” Hisikiazi muwec: “Jaŋe mâreŋ ʒorickonec, Babe haeonec hâcne norao ware fisimbieŋ.”

⁴Eme muwec: “Jaŋe ficgao wemo wiac honembieŋ?” Hisikiazi muwec: “Jaŋe ficnaneo wiac fokac sâc hone‐fârembieŋ, no boreŋ ʒeŋaŋfic‐naneo wiac moc mi hesoŋke‐jarepac.”

⁵Iŋuc mume Jesajazi Hisikia ʒiŋuc âzâcnewec: “Anutu Tâpiri Ɋuŋɋasaŋ Wofuŋ ere dâŋ manac!

⁶Manakic, dameŋ moc maickeocmu ira wiac sasawa ficgao fokac i mecne, erâ mamacfâcge jaŋe juwefuhuc boreŋ mafa wiac râe guruc ejumbieŋ i mâmâc Babe mâreŋko barâ raniŋmu; wiac huŋgaŋne mac moc mi foocmu, Wofuŋzi iŋuc mukac.

⁷Ehame ŋokâfâcge fua‐gareniŋmu jaŋeraonec gâcne wâc bacjopa raniŋmu, eme jaŋe Babe ŋicwofuŋ ere ficko kiŋaŋ qaqa erâ juniŋmu.”

⁸Eme Hisikiazi Jesaja ʒiŋuc âzâcnewec: “Wofuŋte dâŋ nazakomec i biaŋne.” E ʒiŋuc manahuc muwec: “No nahacne juju dameŋko wama â jujuhâmo foocmu hâcne.”