1Ipi lunghemnan nangauham nangho Assyria te, mi sumang ho, ahinla nangho leh nangho a itih in nakisumang kha hih helu vin ahi. Midang najou lhep jiuvin, ahinla nangho lheplha in na um kha hih uve. Mi suhmang nangah teng uleh nangho nakisumang diu ahi. Mi lheplhah nangah tengu leh nangho nakilhem lhadiu na hiuve.
2Ahin Pakai, nei hepiu vin, ajehchu nangma ngah a um kahiuve. Nisim in kaban thahat nun hungpangin lang, hahsatna’a kaum teng uleh eihuhdoh diuvin hung pangin.
3Na awgin ajah jeh un melmate ajam uve. Nahung dindoh teng lehchitin namtin ajam jitao ve!
4Lungmul, peng palep leh khaokhohon louho leh lengpi gui ho akeovaalha bang uva Assyria galsat sepaihojong lhu uva, ima hilou diu ahitai!
5Pakai chu alet a len hihen. Vanmun’achenghijonglehaman Jerusalem chu thudih lehchonphatna inna asemdoh ding ahi.
6Hiche nikho teng leh ama chuna kingap detchet na abul hintin, huhhinga ninglhing setna kikoikhol, hetna leh chihna napeh dingahi. Pakai gin chu nang dinga gouhiding ahi.
7Ahin tun vang nagal hang houlhang phongin akap uvin ahi. Chamna semho nommo tah inlunglha in akap uve.
8Na lampiu ho jong akamdeltai; Koi macha alamlha tapouve. Assyrian ten chamna dinga kinoptonachu asukeh taovin, ahetoh apangho masanga kitepna ananeiuchu anahsah tapou vin ahi. Koimacha gin le ja anei pouve.
9Israel gam chu puldou nan achuplhatai. Lebanon jong jachat ninananglha tai. Sharon phaicham chutun gamthip gam ahitai. Bashan leh Carmel chom in ana umtai.
10Ahin Pakai in aseije: “Tunkeima kadindoh ding ahi. Ka thahatnaleh kahatna tua hi kavetsah ding ahi.
11Nangho Assyria miten hampagop ahilouleh kolbu kung tailou ima nasodoh pouve. Nahai nau hu chu mei hung kisoh intin, nahinvallhum dingu ahi.
12Ling hamboh a kisatlhah a, meija akilelut bangin na mite jongkachai keidiu ahi.
13Ipi kabol doh ham phatenngaijun, nangho chitin namtin gamla tah’a umho! Chuleh naicha’aumhon kathahat hi hetpeh in neineijun!”
14Jerusalem’a um michonse hotija in akithing thing uve. Pathenhoulou hochu tijatna nasatah inaman taove. “Hitobang mi vallhumjengthei meikong hi kon athoh joumong ding ham?” tin akap uvin ahi. “Hitobang meikong nasatah akon’akoiham asohcha ding?”
15Mi kitah leh mitheng ho, joulenal’a phatchom nading nomlouho, nehguh deilou jeh’a munchomgam latah’a umdoh ho tolthatdinga guhthim’a thilgon ho thuseingaipeh lou’a da chah khet jeng ho, thilpha lou boldinga lhepna jousemangcha guho akon’a amit u singjeng ho-
16mun sang’a cheng ding hochuamaho hi ahiuve. Mol le lhang‘a um songpi hochu akulpiu vapangding ahi. Neh le chah hinkithah peh diu, chule tui jong ninglhing setna aneidiu ahi.
17Lengpa aloupina jouse toh namittah uva namu diu, chuleh gamlatah’a sao gam leiset chu namit’anamu diu ahi.
18Hiche tijat umtah nikho hi nahinnunggel doh diu, chuteng nahin doh diu chu, “Insangho sim toh’a pang Assyrian milun ho chu hoija umuvahitam? I khopi u alhuh nunga thille lo ki chomdoh ching tup’a panglekhabu koitup hochu hoilai jaumuva hitam?”
19Migilou ho leh mikhanse honhetkhah lou leh kidang tah paochomathohou hi navel mukit tah louding ahi.
20Zion chu golnop phatah bolnamun’a nahin lemu joh dingu ahi. Jerusalem chu chamna leh bitkeijaumna khopi’a nahin mudingu ahi. Khoilupon in, akhao kiloi detchetleh akhom ho chah thet na kitungtobang ding ahi.
21Eihodinga Pakaichu Hatchungnung Pen hung hidingahi. Amachu vadung vailentah inbitkei’a akoi, galmi hon ahin palkaijoulou u bangdi ahi. Galmi ho kongjong kitolna thei hilou ding ahi.
22Ajehchu Pakai chu eithutan paoahin, dan eipeuva leh i lengpaoahije. Amaneikhohsahuntin, eihuhdoh diu ahi.
23Galmitekongtolnaponakilhamin, kongleh lang achi pin, manchah hojong pannabei ahitai. Anei agou houjong Pathen mitekihom diu ahitai. Elbai ho jenginjong achan vou u akilah diu ahi!
24“Kadam pouvin chuleh panpibei kahiu ve,” tia Israel miten aseitahlou diu ahi. Ajeh chu Pakai inachonset nao angaidam ding ahitai.
