Odommu 3:9-19

⁹Ti bo yĩ́ Sifubɛ pɛ̃ɛ̃tɛ́ bɛ̀ɛ̀ í tú Sifubɑɑ? Bìtì! Tì bɛ́immu kɛ tú Sifubɛ nɛ̀ bɛ̀ɛ̀ í tú Sifubɛ bɛ̀ tu mɛyɛi nkó tidɑɑtì nti.

¹⁰Tì wɑ̃̀rimɛ̀ kɛ tú: Òmɔù í bo wèè wetí, bɑ́ omɑ́ɑ̀.

¹¹Òmɔù í ciì, òmɔù í wɑnti Kuyie.

¹²Bɛmɔu bɛ̀ yetɛ́mu, kɛ dɛ̀tɛ́nɛ̀ Kuyie. Òmɔù í dɔɔri dɛ̀ɛ̀ wenni bɑ́ omɑ́ɑ̀.

¹³Kɛ̀ bɛ nɑ́ɑǹtì dò nkufɔ̃ti kùu feí, kɛ̀ bɛ̀ soú, tìì yìɛ̀ní bɛ nɔ kɛ̀ tì tii kɛ dò mmɛwɑɑ̀dɔ̀mmɛ̀.

¹⁴Bɑ́ bɛ nɔ̀ í wenni, kɛ̀ bɛ nɑ́ɑǹtì tii.

¹⁵Kɛ̀ bɛ̀ ɔ̃ ndɔ́ mɛcɑ̃ɑ̃ nkɛ bo kuɔ.

¹⁶Kɛ̀ bɛ̀ pɛ̃ɛ̃tɛ́ kɛ̀ɛ̀ bíɛ́kɛ̀, mɛyɛi nnɛ̀ mɛyɛǹcɑɑ̀rìmɛ̀ dɛɛ̀ ɑ̃nnɛ́.

¹⁷Bɛ̀ í yɛ̃́ mɛom̀pùmɛ̀ kó kucɛ.

¹⁸Bɛ̀ í dé Kuyie.

¹⁹Ti yɛ̃́mu kɛ dò nKuyie nkó ikuɔ́ nɑ́ɑ́nnɛ̀ bɛ̀ɛ̀ ì te bɛ̀mbɛ, kɛ̀ dɛ̀ bo yie nkɛ̀ bɛ̀ bɑ́ɑ́ nɑ kɛ́peri, kɛ̀ bɛnìtìbɛ̀ bɛmɔuu bɑntɛ́ bɛ̀ túmɛ̀ bɛyɛibɛ Kuyie nyììkɛ̀.