9Odocob eu adi? Ege Juda dana Juda dana qee eundec wooladecfo? Qee bahic! Ija wele maadiga, silail ege dana cunug cilehgen, Juda danaca Juda dana qee eundecca cunug.
10Anutna jaqec je odi madena: “Ititom coboc dana oso maha ina qee bilel.
11Dana oso uqa fogo docca qee. Oso uqa Anut megec cabi qee ona.
12Cunug age jic me eu culein. Cunugca odi age dana me qee bahic calein. Osol oso ha kobol me qee odona.
13Age conoga eu qalqal heel cebec cinigwe. Age beilamagana age uhulec je madegina. Age biamaga dunuh eu man sononec agena ceeh sahalic me qeeca.
14Age je me qee gulihinca conogana gaid madegina.
15Age dana qagadocnu mahuc bahic gugulegina.
16Saen cunug age ceteteh me qee mumudi culumen geh dana adegina.
17Age dana malol bilec kobol qee toodogina.
18Age Anutnu cumunec nag odi qee dogina,” ena.
19Odocob ege doqona, Mosesna loo je eu uqa egena silail eu himec ihacgena, eunu dana oso uqa ija dana ititom ec madecwe qee. Eunu cel je loo je madena eu dana cunug age je madecwe qee bilimeig dana maha cunugnadec ege Anut amegna cahuldocca biluquna ec madoqagannu eu dana loo je bisalu bilegina eu age maadena.
Rom 3
Rom 3:9-19