Oroomusa 3:9-19

⁹Àwa, á warɛ́n *zúifùwa màhã́ ɓɛ̀n wee leéka le wa bìo ɲúhṹ so wi po bìa ká lée? Ɓùeé dɛ́! Ĩ zéenía mu le ɓa *zúifùwa làa bìa yínɔń ɓa *zúifùwa ɓúenɓúen á mu bè-kohó pànká wi wán,

¹⁰làa bìo mu túararáa le Dónbeenì bíonì vũahṹ yi: «Ɓa nùpua ɓúenɓúen yi á nì-kéní kà yí térénna,

¹¹hácírí ɓànso nì-kéní kà á mía, hàrí nì-kéní kà yí máa cà le Dónbeenì.

¹²Ɓa ɓúenɓúen día ho wã-tente, ɓa páanía wó ɓa nùpua na bìo ɲúhṹ mía. Bè-tente wéro nì-kéní kà á mía ɓa tĩ́ahṹ.

¹³Ɓa ɲiní ka lòn búráa na hɛ́nkaa. Ɓa wee khà ɓa nùpua. Ɓa bíoní ka lòn díhioni súró.

¹⁴Ɓa wee dánkání ɓa nùpua làa sòobɛ́ɛ, ɓa wee bío hã bín-kora.

¹⁵Ɓa can mí kuio le nì-ɓúee bìo yi.

¹⁶Hã dã́a na ɓa wee tè yi ɓúenɓúen á ɓa wee fì mu bìo yi, à dé hã yinyio ɓa nùpua yi.

¹⁷Ɓa yí zũ hɛ́ɛrà wɔ̃hṹ.

¹⁸Ɓa yèn-dã́ní yi á Dónbeenì kɔ̃̀nbii ɲúhṹ mía.»

¹⁹À wa ɲɔǹ zũ le ho làndá bò nɔn bìa wee bè bìo ho wee bío yi. Bṹn wó bèra a na à bío léeníi yí kɛń o ɓúi cɔ̃́n, à ho dĩ́míɲá nùpua ɓúenɓúen mún zũń le mí wó khon le Dónbeenì yahó.