ሮሚያ 3:9-19

⁹ሄዋ ዲራው፥ ኑኒ ዋጋኔ? ኑኒ ኣዪሁዳቱ፥ ኣዪሁዳ ጊዴና ኣሳፔ ዳሬቶ? ሄዋ ጊዴና፤ ኣዪሲ ጎፔ፥ ኣዪሁዳቱካ ኣዪሁዳ ጊዴና ኣሳቱካ ኡባይ ኢቲፔ ናጋራፔ ጋርሳን ዴዒያዋ ታኒ ካሴ ሂንቴንቶ ኦዳዲ።

¹⁰ፆሳ ማፃፋይ ሃዋዳን ያጌ፤ «ፂሎ ኣሳይ ኢቱኔ ባዋ።

¹¹ኣኬኪያ ኣሳይካ ባዋ፤ ዎይ ፆሳ ኮዪያዌካ ባዋ።

¹²ኣሳይ ኡባይ ኦጊያፔ ካሬ ኬሴዲኖ፤ ኡባይ ሙሌካ ማዴናዋ ጊዴዳ። ሎዖባ ኦꬂያ ኦኒኔ ባዋ፤ ሃራይ ኣቶ ኢቱኔ ባዋ።

¹³ኡንቱንቱ ዶናይ ዶያ ዴዒያ ዱፉዋ ማላ። ባሬንቱ ኢንፃርሳን ዎርዶቴዲኖ። ኡንቱንቱ ዶናፔ ኣሳ ዎꬊያ ሾሻ ዪሻ ማላ ሃሳያይ ኬሴ።

¹⁴ኡንቱንቱ ዶናን ሼቃይኔ ጫሞባይ ኩሜዳ።

¹⁵ኡንቱንቱ ሱꬃ ጉሳናው ዳሪ ኤሌሊኖ።

¹⁶ባይዙኔ ኮሌꬃይ ኡንቱንቱ ቤዳሳን ሃቃኒኔ ꬋዬና።

¹⁷ኡንቱንቱ ሳሮቴꬃ ኦጊያካ ኤሪኪኖ።

¹⁸ቃሲ ፆሳው ያዪያባይ ኡንቱንቱ ቆፋን ባዋ» ያጌ።

¹⁹ኣሳ ኡባ ሃሳያ ዲጋና ማላኔ ኩሜንꬃ ሳዓ ፆሳ ፒርዳፔ ጋርሳው ኣꬃና ማላ፥ ሂጊያ ጊዶን ኦዴቴዳ ኡባባይ ሂጊያፔ ጋርሳን ዴዒያ ኣሳው ሃሳዪያዋ ኑኒ ኤሬቶ።