9?Kəni təhro? ?Kitah okotəni məmə nak əha rəueiu? ?Nɨkitəmah təhti məmə Uhgɨn otol təuvɨr kəm nətəm Isrel mapirəkɨs Nanihluə mɨn? !Kəpə! Iəməni rəkɨs məmə nəsanəniən rəha təfagə tərah tətarmənɨg e nətəmimi rəfin, nətəm Isrel mɨne Nanihluə mɨn.
10Inu təhmen e Nauəuə Rəha Uhgɨn iətəm tətəni məmə, “Iətəmi kəti tɨkə iətəm təhruahru, kətiəh agɨn mɨne uəha tɨkə;
11Iətəmi kəti tɨkə iətəm təhrun, iətəmi kəti tɨkə iətəm tətəsal e Uhgɨn.
12Nətəmimi mɨn rəfin agɨn kəmotəuhlin nəmtahlah o Uhgɨn, ilah kəsotəhruniən noliən nati kəti o noliən nəuia Uhgɨn, iətəmi kəti tɨkə iətəm in tatol nəuvɨriən, kətiəh agɨn mɨne uəha tɨkə.”
13“Nəghatiən rəhalah təhmen e nəpieniən rəha suvət iətəm təməuag, Narmɨlah təriauəh e neiuəiən.” “Poesɨn rəha sɨneik tatsɨpən e nohlɨlah.”
14“Nohlɨlah təriauəh e nəuiakəniən mɨne nəghatiən arfu.”
15“Kəutaiu uəhai əmə o nohamuiən itəmi;
16ikɨn mɨn rəfin kəutəhuvən=pən ikɨn, kəutərəkɨn natimnati, kəni mautol nətəmimi kautətəu tərah,
17kəni ilah kotəruru agɨn suaru rəha nəməlinuiən.”
18“Ilah kəsotəgɨniən e Uhgɨn, kəni nɨsiaiən rəhan tɨkə agɨn e nətəlɨgiən rəhalah.”
19Kitah kotəhrun məmə natimnati mɨn rəfin iətəm Lou tətəni, in rəha nətəmi mɨn u Uhgɨn təməfən Lou kəm lah. Tol lanəha məmə iətəmi kəti tɨkə təhrun nuhalpɨniən nəghatiən iətəm Uhgɨn otəni. Kəni nətəmimi rəfin e nəhue nɨftəni, nətəm Isrel mɨne Nanihluə mɨn, okotəkeikei motəhtul aupən e nəhmtɨ Uhgɨn məmə in otakil muh mələhu nəghatiən rəhalah.
Rom 3
Rom 3:9-19