Roma 3:9-19

⁹De, leobee? Ei duduꞌa mae ita hataholi Yahudi la neulaun lena heni leme hataholi ta Yahudi la? Ta dadi! Te au atudu ei, ae, basa hataholi la ala tuda leni salak leu, mae ndia hataholi Yahudi, do hataholi ta Yahudi.

¹⁰Te nana sulak nai Lamatuak Susula Malalaon, nae, “Ta hambu hataholi fo ana nasoda no ndoos nakandoo. Ta esa boe!

¹¹Ta hambu hataholi bubuluk no teteben laꞌeneu Lamatuak. Ta hambu esa boe ana sangga Lamatuak.

¹²Sila basa sala heok leme dala sodak ndoos mai. Basa de, basa sala ta mana dadadi kala so bali. Ta hambu hataholi natudu ndia dale malolen. Ta esa boe!

¹³Sila kokola nala laboo mbulu, sama leo lates fo hataholi la kali selu kana. Sila bafa nala, kada lalelak tao kalua dedeꞌa pepekok. Sila dedeꞌa kokola nala kalua leme sila bafa nala mai, sama leo mengge lason.

¹⁴Sila bafa nala lalelak kada aꞌali hataholi, ma kokolak kabook, fo kada tao dale hedi hataholi, te ndia kalua neme sila dale kaboo nala mai.

¹⁵Tala bii sangga tao lisa hataholi.

¹⁶Leni sudi bee leu, na, ala lahiik tao naodek nai ndia, ma ala tao lakatotoꞌak hataholi mata-mata kala.

¹⁷Ala lasoda ta mole-dame lalelak, ma dale nala lameda ta neulauk.

¹⁸Tala bisa lakatataka lala ao nala, huu ala ta lameda bibiik fa boe neu Lamatuak.”

¹⁹Naa! Ita bubuluk tae, Lamatuak fee Ndia Heti-heun neu hataholi Yahudi fo musi tao tungga Heti-heuk sila. No leondiak, mete ma ala laꞌolenan, na ta hambu toꞌok hata-hata bali. Dei fo basa hataholi la malai daebafok ia, musi lasale Manetualain, fo Ana naketu sila dedeꞌan, nae, sila sala, do, ta.