9Mura mabaygaw mari igililnga midh, Yoewdhayalgaw mabaygaw igililnga sike moegina balbayginga Awgadhaw purkapa, a azaz mabaygaw igililnga sike apal. Lawnga! Kedha lawnga! Mura nubi apaw goewaw mabaygal lak kedha ngoedhalmayl mina koey apal Awgadhaw minamay midh nanga.
10Minar Poelayzinga kedha, ‘Wara urapun mina mabaygoeginga, mina lawnga.
11Urapun ngulayg mabayg mayginga, a thana Awgadhoepa lumayginga.
12Thana mura adhapa buwayl thayemin Awgadhoengu, muynu mina zaginga. Urapun mina mabayg mayginga, gabu ngoenakapul mabayg mayginga.
13Thanamun gudal ngoedhe moeram gud pudhayzinga. Kulay nginungu pudhayle. Thanamun noeythay ngoelkay ya koeyza. Thanamun iragudoenu gimal ngoedhe thabu nge, mura ya gegeyadh.
14A thabukirin mabayg adhathayan.
15Thana kikimoeypa mabaygaw kulka pay yoewdhan.
16Thana kasa ya umamoeypa gurguy toedipa. A mabaygaw mina niyay kasa idimiz kuyk
17thana mina pawaw pawangu koerawaygal.
18Thana mina apasiginga Awgadhoepa, mina Awgadhoegi mabaygal.’
19Ngalpa mura ngulaygal kedha, thanamun Yoewdhayalgaw kulba mina yoepathaman kedha, ‘Awgadhaw sabi ngaru yabugud mina igililmaypa.’ Sethabi mabaygal ngaru ayman mura moegithap zapul muynu. In nubi za mura war war goegathaw mabaygoepa. Wara yaginga ngaru Awgadhaw minamaynu apal.
Romaniw Thusi 3
Romaniw Thusi 3:9-19