રોમનોને પત્ર 3:9-19

⁹તો પછી શું? આપણે તેઓના કરતાં સારા છીએ? ના તદ્દન નહિ. કારણ કે આપણે અગાઉ યહૂદીઓ તથા ગ્રીકો પર દોષ મૂક્યો કે તેઓ સઘળા પાપને આધીન છે.

¹⁰જેમ શાસ્ત્રમાં લખેલું છે તેમ કે; 'કોઈ ન્યાયી નથી, એક પણ નથી;

¹¹સમજનાર અને ઈશ્વરને શોધનાર કોઈ નથી;

¹²તેઓ સર્વ ભટકી ગયા છે, તેઓ બધા નકામા થયા છે; સારું કામ કરનાર કોઈ નથી, ના, એક પણ નથી

¹³તેઓનું ગળું ઉઘાડી કબર જેવું છે; પોતાની જીભથી તેઓએ કપટ કર્યું છે; તેઓના હોઠોમાં સાપનું ઝેર છે!

¹⁴તેઓનું મોં શ્રાપથી તથા કડવાશથી ભરેલું છે;

¹⁵તેઓના પગ લોહી વહેવડાવવા માટે ઉતાવળા છે;

¹⁶તેઓના માર્ગોમાં વિનાશ તથા વિપત્તિ છે;

¹⁷શાંતિનો માર્ગ તેઓએ જાણ્યો નથી

¹⁸તેઓની આંખ આગળ ઈશ્વરનું ભય નથી.'

¹⁹હવે આપણે જાણીએ છીએ કે જેઓ નિયમશાસ્ત્રને આધીન છે, તેઓને નિયમશાસ્ત્ર કહે છે, જેથી દરેક મોં બંધ થાય, અને આખું માનવજગત ઈશ્વરની આગળ દોષિત ઠરે.