Romawa 3:9-19

⁹To me kenan? Zamu ba kanmu hujja ne? ko kadan. Domin mun riga munyi zargin yahudawa da hellinawa, da cewar dukkansu, suna karkashin zunubi.

¹⁰Kamar yadda aka rubuta, babu wani mai adalci, babu ko daya.

¹¹Babu wani mai fahimta. Babu wani mai neman Allah.

¹²Dukansu sun kauce hanya, dukansu gaba daya sun zama marasa amfani. Babu mai aikin nagarta, a'a, babu ko da guda daya.

¹³Makogwaronsu a bude yake kamar kabari. Harsunansu na dauke da cuta. Dafin macizai na karkashin lebunansu.

¹⁴Bakunansu cike suke da la'ana da daci.

¹⁵Sawayensu na saurin zuwa zubar da jini.

¹⁶Tafarkinsu wahala ce da lalacewa.

¹⁷Wadannan mutane basu san hanyar salama ba.

¹⁸Babu tsoron Allah a idanunsu.”

¹⁹To mun san dai duk abin da shari'a tace, shari'a na magana ne da wadanda ke karkashinta, domin a rufe kowanne baki, domin dukan duniya ta bada amsa a gaban Allah.