9ያቲን፥ ኑኒ ዎይጋኔ? ኑ ኣይሁዴቲ፥ ኣይሁዴ ጊዶናይሳታፔ ኣꬎናዬ? ጊዴና! ኣይሁዴ ጊዲን፥ ኣይሁዴ ጊዶና ኢፂን ኡባይ ናጋራንቾ ጊዴይሳ ታኒ ካሴታዳ ሂንቴው ኦዳስ።
10ጌሻ ማፃፋን፥ «ፂሎ ኣሲ ኢሶይካ ባዋ።
11ኣኬኪያ ኣሲ ባዋ፥ ፆሳ ኮያ ኦኒካ ባዋ።
12ኣሳ ኡባይ ፆሳስ ዞኮ ዛሪዶሶና፤ ኡባይ ኢሲፌ ፓꬆናባ ጊዲዶሶና። ሎዖ ኦꬂያ ኦኒካ ባዋ፤ ኢሲ ኣሲካ ባዋ።
13ኤንታ ዶናፔ ኬያ ቃላይ፥ ዶዬቲዳ ዱፎፔ ኬያ ፂንቆ ሜላ፤ ባንታ ኢንፃርሳን ጪሞሶና። ኤንታ ዶናፔ ኣሴ ዎꬊያ፥ ሾሻ ማርዜይ ኬዬስ።
14ኤንታ ዶናን ጫሞ ኦዳይኔ ባዴꬂ ኩሚስ።
15ኤንቲ ሱꬂ ጉሳናው ኤሌሶሶና።
16ኤንታ ኦጊያን ꬋዮይኔ ቆሆይ ዴዔስ።
17ኤንቲ ሳሮቴꬃ ኦጊያ ኤሮኮና።
18ባንታ ዴዑዋን ፆሳስ ያዮኮና» ጌቴቲዲ ፃፌቲስ።
19ኣሴ ኡባ ዶና ኦይꬃናዉኔ ኩሜꬃ ኣላሚያ ፆሳ ፒርዳፌ ጋርሳን ሺሻናው፥ ሂጌይ ኢሜቲዳይ ሂጌፌ ጋርሳን ኣቄይሳታስ ጊዴይሳ ኑ ኤሮስ።
ሮሜ 3
ሮሜ 3:9-19