9?Kən tahro? ?Kitat okotən naka əh-roiu? ?Nɨkitəmat təht məmə Uhgɨn otol təwɨr kəm netəm Isrel maprəkɨs-in Iaihluə mɨn? !Kəp! Emən rəkɨs məmə nəsanənən rəha təfagə rat tatərəmərə e netəmim rafin, netəm Isrel ne Iaihluə mɨn.
10Inu tahmen e Naoa Rəha Uhgɨn itəm tatən məmə, “Suah kit tɨkə itəm tətuatɨp, kitiəh agɨn huə ne tɨkə;
11Suah kit tɨkə itəm tɨtun, suah kit tɨkə itəm tategəs-in Uhgɨn.
12Netəmim rafin agɨn kəmotəuhlin məntaalat o Uhgɨn, ilat kəmotuwa nəlpah mɨn o nolən nəwia Uhgɨn, suah kit tɨkə itəm in tatol nəwɨrən, kitiəh agɨn huə ne tɨkə.”
13“Nəghatən rəhalat tahmen e nəpienən rəha suwɨt itəm təmoag, Namɨlat tərioah e neiueiuəən.” “Poesen rəha sɨnek tatɨsɨ-pən e nohlɨlat.”
14“Nohlɨlat tərioah e nau-iərmɨs-inən ne nəghatən tarɨp.”
15“Kotaiu uəhai əm o nohamnuən itəm;
16ikɨn mɨn rafin itəm koatuwɨn ikɨn, koatərəkɨn natɨmnat, kən moatol netəmim koatəto tərat,
17kən ilat kotəruru agɨn suatɨp rəha nəməlinuən.”
18“Ilat kəsotəginən Uhgɨn, kən nɨsiaiiən rəhan tɨkə agɨn e nətəlɨgən rəhalat.”
19Kitat kotɨtun məmə natɨmnat rafin itəm Lou tatən, in rəha netəm itəm Uhgɨn təmos-ipən Lou kəm ilat. Tol nəhlan məmə suah kit tɨkə tɨtun nuhalpɨnən nəghatən itəm Uhgɨn otən. Kən netəmim rafin e nətueintən otəkəike motətul aupən e nɨganəmtɨ Uhgɨn məmə in otakil muəh mələhəu nəghatən rəhalat.
Rom 3
Rom 3:9-19