ROMANOS 3:9-19

⁹Pues, ¿índù ñà‑cachi‑ndà vichi? ¿A ndísá chicá ndiaha nècuàchì (raza Judea)? Còó, vàchi sànì cundaà vàha ini‑ndà, nèhivì cuáchi nduú nsidanicuu‑nda, nahi nèhivì inga raza, te ducán stná nècuàchì raza‑nsì Judea.

¹⁰Vàchi ducán cachí stná nùù tutu ìì: Còò ni‑iin ana nihnú ndàcuisì inì‑xi;

¹¹còò ni‑iin ana sáà cundaà inì‑xi, còò ni‑iin nandúcú ndisa nansa iá ichì Dios.

¹²Nsidaa nèhivì, sànì tùcù‑nè ichì malu; nsidaa‑né sànì cuchicuehe anima‑nè. Ni‑iin‑ne có‑quìdá víi‑né.

¹³Te (ñà‑quini guá) cáhàn‑nè, ducán nduá nahi dico ndé nì nuna yavi xi nsìi. Te tùha ga stná‑nè dandahví stnahá‑né. Ducán iá palabra xi‑ne nahi venenu xi iin còò dàná.

¹⁴Cuàhà gá xícàn tàhvì chìhán‑nè dìquì ñanìtnaha‑ne, te cáhàn ndiaa stná‑nè dìquì nècuàchìmà.

¹⁵Yàchì gà nacání ini‑nè cahnì stnahá‑né.

¹⁶Te ndéni nì cui ni yáha‑ne, yucán xiní nèhivì tnùndoho.

¹⁷Vàchi mà túha‑ne cunchicùn‑nè ichì ndé cundoo manì‑ndà.

¹⁸Te có‑yûhî stnâ‑nè Dios, vàchi có‑nìhnú ini‑nèyà.

¹⁹Pues ináhá‑ndá, nsidaa ñà‑ndùá cachí ley sànaha ma, sàhà‑ñá cunini nèhivì ndoó tìxi ley mà nduá, te ducán (nducahan‑ne), te cadi‑nè yuhù‑né, vàchi iá stná cuàchi‑ne, nacua iá cuàchi nsidanicuú nèhivì ñuhìví.