Röm 3:9-19

⁹Worochai tingting oro? Non Yuda nano nontho bumbumyi nano yanggirada Kopotorocho yangamin nongnongo idamontha? Muno sinom. Noc urop kanongdet, Yuda nano orin bumbumyi nano non ambarac wömunoho unenne itbödeamon.

¹⁰Worochon matano Kopotorochon bapiyadec ingoroc irim toctocyi itac: “Amna tungu auho Kopotorocho yangamin nongnongo maec. Muno sinom.

¹¹O amna auhon kombic kombicnoho orongi maec, muno sinom. O amna tungu auho ‘Kopotorochon irot kombiwa’ yongo dönac youp matongitac.

¹²Muno sinom, owi amna ambaracho Kopotoroc me imongo boyömo itbödeang. Tongo amna tungu auho toroc kiap ogepma matongitac, muno sinom.

¹³Duc ingguro woi gopma detno simbang furang kangga ididang. O mönbiroho nucni inong yungitac. O dugo ginoho amna dou obukoc obukochon mata yongitac. Woi gorom wömunohon marasin simbang.

¹⁴O dugo decma wömai möpmo orin ececgo ohuna amna dongyun obukongidang.

¹⁵O orungoho emochon mongorec tongimongo amna douya omomp-ha domdomgon ongidang.

¹⁶Tongo yuhon itonggong kiapmohon weranno woi dirung orin mepmo morö.

¹⁷O yu nucniot irot tungu idit worochon uyapmo makombingidang.

¹⁸O yui Kopotoroc magending imongidang, muno sinom.”

¹⁹Oro, nonu urop ingoroc kombiamon: Nongoru mataho wömai owi amna nongoruhon unenne ididangma yuha yac. Worocha tongga amna auho ingoroc yocyocno woi maec: ‘Noc amna nongnongo yo.’ Muno sinom, Kopotorocho yangamin wömai non guroc owi amna ambarac turongobarac itbödeamon.