9Kwaro Juda fi nomwan warákárria, arop ankwap firan warákár mo námp ni, mokopono? Ono wokwaek arakrá séri nampon: Juda nomokuia maok, arop ankwap firao kor ponankor mént ankár kwatae nɨnɨk fek saráp yakáp námpon.
10Kwaromp Buk fekamp karao sérrá, “Arop ankwap yae-párák kare nɨnɨk i konámp arop yak mo karenono.
11Arop ankwap yae-párák kare nɨnɨk fi fwapia mér mo, Tá arop ankwap Kwarén oupourounk námp yak mono.
12Arop ponankor Kwarén te wae pwate napono. Arop ponankor ankárankamp pourouráp fek kwatae kare arop yakáp napono. Am ou mekamp arop ankwap kwapwe kare nɨnɨk mo kare napon.
13Am fárákapamp kar kwatae sérarnap top kor te arop papnap apár me kɨkɨr akwap nánko, mákáre aok konámp niampi napon. Am fárákapamp táp meknámp te kápae kare kwekár kar sér i konapono. Am fárákapamp táp mekamp kar touwe te karnaerao arop yamp nánko, sumpwi konámp niampao top koupouri yak námpon.
14Aropamp nɨnɨk mek touwe sánknámp kar sérar i konapon.”
15“Koupour yopor yonkwae pwarámpria arop ankwap tirá wour i konapon.
16Ankár takrá paokopria maok, Kápae kare aropan nkwakwe make sokororia maomp ankankan kor souroumpoura waerá nɨnɨk mek kápae fápárámprá kák napon.
17Ankwap fákárerént ankárankamp nɨnɨk fek yakáp i konap nɨnɨk te mér mo napon.
18Kwaro námwan naeanria kánanke apáp mo i konapon.”
19Nomo te wae mér, má kápae kare kar lorao sénámp te, loramp yae ankore mek yakápnap arop fárákapan sénámpon. Aenámpara, arop ankárankao sérrá, ‘Ono te kwapwe kare aropono’rá sénaenámp pourou mo kareno. Apár-apár ponankor mekamp ponankor arop te waeman Kwaro nke námp fek te kwatae nɨnɨki tenámpon.
Rom 3
Rom 3:9-19