Ezekiɛli 30 - Bibeli Luayãtaalá

Ezekiɛli 30

Click on verse(s) to share them!

¹Dii yã'òmɛɛ à mɛ̀:

²Gbɛ̃nazĩn nɛ́, ãnabikɛkɛ ǹ mɛ ma Dii Lua ma mɛ̀ wiipɛ ǹ mɛ, agya! A gↄↄ kà!

³Asa gↄↄpi kà kãi, Dii gↄↄpi kãikũ̀. Guduuduu gↄↄɛ! Buiↄ yã'egↄↄɛ!

⁴Wa mↄ lɛ́lɛ Egipiↄwa ń fɛ̃ndao, sↄ̃ i kɛ̃ Etiopiↄgu. Tó wà gbɛ̃́ↄ dɛ̀dɛ Egipi, wa aà àizɛɛↄ sɛ́lɛ, wi aà gbãa'ekĩi gboo.

⁵Etiopiↄ ń Putiↄ gagańnↄ sãnu zĩu ń Ludiↄ ń Laalubuↄ píi ń Libiiↄ ń bùsude pↄ́ aa lɛdoũkɛ̀ńnↄↄ.

⁶Ma Dii ma mɛ̀ gbɛ̃́ pↄ́ ì Egipi gba gbãaↄ lɛ́lɛ, gbãa pↄ́ Egipiↄ ì ĩ́anadãò kↄ a ɛ́. Wa gaga zĩ guu za Midoli e Asuã, ma Dii Lua mámɛ má ò.

⁷An bùsuↄ gↄ̃ bɛzia ũ dɛ bùsu píia, an wɛ̃́lɛ ↄ̃̀ↄkpaa aↄ dɛ wɛ̃́lɛ píia.

⁸Tó ma tɛsↄ̃̀ Egipiwa, an dↄnlɛdeↄ kɛ kɛ́lɛkɛlɛ ḿpiiɛ, aaiↄ dↄ̃ kɛ́ mámɛmaa Dii.

⁹Gↄↄ bee má zĩnaↄ gbaɛ ń gó'ilɛnaↄ, aai gili gɛ̃ Etiopi pↄ́ kálɛa dↄdↄaↄgu. Sↄ̃ a kɛ̃́ńgu Egipi yã'egↄↄ. Gↄↄpi lɛ́ mↄɛ fá!

¹⁰Ma Dii Lua ma mɛ̀ má tó Babɛli kí Nɛbukanɛza Egipi zĩgↄ̃ dasiↄ míↄnzↄ̃.

¹¹Má mↄaànↄ ń aà zĩgↄ̃ↄ, bui pãsĩpiↄ i Egipi dúuzↄ̃. Aa ń fɛ̃ndaↄ wo Egipiↄzi, aai to bùsu pa ń gɛↄ.

¹²Má tó a swaↄ í ba, mí bùsupi na gbɛ̃vãipiↄnɛ ń ↄzĩ. Má tó bui zĩ̀loↄ bùsupi ↄ̃̀ↄkpa ń pↄ́ pↄ́ kú a guuↄ. Ma Dii mámɛ má ò.

¹³Ma Dii Lua ma mɛ̀ má tã́aↄ midɛ, mí Mɛfisi dii pãpiↄ míↄnzↄ̃. Kíae aↄ ku Egipi lↄo, má tó vĩa Egipiↄ kũ ḿpiiɛ.

¹⁴Má tó Egipi gɛↄmidↄkĩi oi gↄ̃ bɛzia ũɛ, mí tɛsↄ̃ Zoãwa, mí yã́kpalɛkɛ ń Tɛbɛsio.

¹⁵Má pↄkũmabↄbↄ Egipi wɛ̃́lɛ bĩ́ide Pelusiwa, mí Tɛbɛsi gbɛ̃́ dasipiↄ tↄ̀lↄzↄ̃.

¹⁶Má tɛsↄ̃ Egipiwa, Pelusi i luukpa, wi Tɛbɛsi bĩ́i gboo, Mɛfisi i loo fãanɛ.

¹⁷Ɛliↄpↄli ń Bubasio ɛ̀waasoↄ gaga zĩ guuɛ, wi tá ń wɛ̃́lɛpideↄ zĩ̀zↄↄ ũ.

¹⁸Tó ma Egipiↄ zuu bↄlɛ gbɛ̃́ↄnɛ, má ń gbãa pↄ́ aaì ĩ́anadãò kↄ'ɛ. Gu a si Tapanɛsi fãanɛ, lou guduuduu i daa, wi a zↄ̃ɛwiadeↄ kṹkũ zĩ̀zↄↄ ũ, wi táńnↄ.

¹⁹Màa má yã́kpalɛkɛ ń Egipiↄ, aaiↄ dↄ̃ kɛ́ mámɛmaa Dii.

²⁰Wá kua zĩ̀zↄↄ ũ wɛ̃̀ kuɛdode, a mↄ sɛ̃́ia gↄↄ soplade zĩ́ Dii yã'òmɛɛ à mɛ̀:

²¹Gbɛ̃nazĩn nɛ́, ma Egipiↄ kí Falaↄ̃ↄ gã̀sĩ ɛ̀, ↄ̃ wi dↄ à gbã̀gbão, wi zwãa yewà à gbãakũ̀, kɛ́ à e fɛ̃nda kũo.

²²A yã́i tò ma Dii Lua ma mɛ̀ má ɛa fɛlɛ ń Egipiↄ kí Falaↄ̃ↄoɛ, mí aà gã̀sĩ ɛ́'ɛ pla píi, a gbãa ń a gyãeo, fɛ̃nda i piliwà à lɛ́lɛ.

²³Má Egipiↄ fãaa buiↄ guu, mí ń fã́ndaiada bùsu ń bùsuo.

²⁴Má Babɛli kía gba gbãa, mí a fɛ̃nda naɛ̀ a ↄzĩ, mí Falaↄ̃ↄ gã̀sĩ ɛ́'ɛ, i oi'oikɛ Babɛli kíapi aɛ lán gbɛ̃́ pↄ́ lɛ́ gawa.

²⁵Ma Babɛli kía gba gbãa, Falaↄ̃ↄ ↄ i gↄ̃ dↄ̀lↄlↄ. Tó ma a fɛ̃nda nà Babɛli kíaɛ a ↄzĩ, mɛ́ a sɛ dↄ Egipiↄ bùsua, aaↄ dↄ̃ sa kɛ́ mámɛmaa Dii.

²⁶Má Egipiↄ fãaa buiↄ guu, mí ń fã́ndaiada bùsu ń bùsuo, aaiↄ dↄ̃ kɛ́ mámɛmaa Dii.

BREAK EVERY YOKE
Creating and distributing free Bible translations for the web and mobile phones to every tribe on Earth. Click to learn how you can support this work!

Ezekiɛli 30123456789101112131415161718192021222324252627282930313233343536373839404142434445464748

Ezekiɛli 30
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48