Esayi 15

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

43

44

45

46

47

48

49

50

51

52

53

54

55

56

57

58

59

60

61

62

63

64

65

66

¹Waliyiya falana Moyaba yamanan xili ma: Ari taan bata raxɔri Moyaba yamanani a kala kɔɛ kedenna ra. Kiri taan bata raxɔri Moyaba yamanani a kala kɔɛ kedenna ra.

²Dibon kaane tema e suxure kide matexine yi e wugama. Moyaba kaane gbelegbelema Nebo nun Medeba taane yi. Muxune birin bata e xunne nun e dɛ xabene bi sununi.

³Sunu dugine nun bɛnbɛnle ragodoxi e ma kirane xɔn ma. E gbelegbelema e banxine fari e nun e yama malandene yi, e birin wugama han!

⁴Xɛsibɔn nun Eleyale kaane gbelegbelema mali muxu feen na. E xuiin sa mɛma fɔ Yahasi taani. Nanara, Moyaba sofane gbelegbelema, e bata tunnaxɔlɔ e ma.

⁵N gbelegbelema Moyaba kaane fe ra. A muxune bata e gi siga han Soyari taani, siga han Egilati-Selisiya taani. E tema wugɛ Luxiti geyaan na. E wuga xuini tema e kalana fe ra Xoronayin kiraan xɔn.

⁶Nimirimi daraan bata xɔri sɛxɛne bata xara, ɲɔxɔndene bata ɲan. Sese xinde mi fa na.

⁷Nanara, muxune e se dɔnxɛne tongoma naxanye luxi e yii, e nɔxi naxanye ramarɛ, e yi siga e ra Wudi Tofaɲin Xuden kidi ma.

⁸Sɔnxɔ xuiin minima Moyaba yamanan birin yi. E wuga xuiin minima sa keli fɔ Egilayimi taani, sa keli fɔ Elimi xɔɲin yireni.

⁹Xuden naxan danguma Dimɔn yi, na bata findi wunla ra. Ala naxa, “N mɔn gbalo nɛnɛne rasigama nɛn Dimɔn yi. N yatana nde rafama nɛn Moyaba muxu gixine xili ma, e nun naxanye na lu e yamanani.”