1Huc mimicnezi qaʒue wahame Wofuŋzi Mose â taha bapa Aroŋte ŋokâ Eleaʒa jahe ʒiŋuc jasawec:
2“Ŋohe Israe kikefuŋ sasawa jara‐jeŋic 20‐o domarâ fekac erâ ʒikao rarare sâc eŋgopieŋ jaŋe mamacfâc‐jeŋic jaŋere ʒâŋe biri forakac irec sâcko wose qâreŋ ejarezepirec.”
3Iŋuc mume Mose â taha bapa Eleaʒa jahe Moabi wâneŋko Jordaŋ opâ heririŋnao Jeriko hae ŋewec ira
4ŋic jara‐jeŋic 20‐o domarâ fewec jaŋe wose qâreŋ ejarepic. Ine Wofuŋzi Mose mutâcnecnewec irec sâcko epic hâcne. Israe ŋic kecʒiŋuczi Aigita mâreŋkonec wahambiŋ:
5Rubeŋ Israere mârâc motec ere ŋokâfâc jaŋeraonec ŋic ʒiŋuczi wahambiŋ hâcne: Hanoki ɋâricfâc‐ticne, Hanoki ŋic jaŋe hâcne; Palu ɋâricfâc‐ticne, Paluŋic jaŋe hâcne.
6Hezoroŋ ɋâricfâc‐ticne, Hezoroŋ ŋic jaŋe hâcne; Karami ɋâricfâc‐ticne, Karami ŋic jaŋe hâcne.
7Ŋicguru i jaŋe hâcne Rubeŋ kikefuŋ erâ jumbiŋ; ʒare‐jeŋic ine 43 tauseŋ 730.
8Palure ŋokâ ine Eliaba.
9Eliabare ŋokâfâc ine Nemuele, Dataŋ erâ Abiram. Dataŋ â Abiram jahe hâcne kikefuŋ jaŋere micne bâwosâec‐jofakicnezi Kora kikefuŋko ʒuhuckerâ Mose â Aroŋ râsi ejactehuc Wofuŋ bunao bapic.
10Eme mâreŋzi fâuckerâ aŋkekuc Kora â wiacfâcne jaŋehec mâmâc ɋâcjopa‐fâreme ʒoczi ŋic 250 ʒâseŋ‐jopawec. Jahe iŋuc ehuc okacne ropic izi ŋic gâcne jaŋere uŋsawaŋ ewec.
11Kora ɋâricfâcne jaŋe ine ʒeŋgoma mi hâmo‐fârembiŋ.
12Simeoŋ ŋokâfâcne jaŋere garikiŋfâc kecʒiŋuc jumbiŋ: Nemuele ɋâricfâc, Nemuele ŋic jaŋe hâcne; Jamiŋte ɋârifâc, Jamiŋŋic jaŋe hâcne; Jakiŋte ɋâricfâc, Jakiŋŋic jaŋe hâcne;
13Ʒerare ɋâricfâc, Ʒeraŋic jaŋe hâcne; Saulire ɋâricfâc, Sauliŋic jaŋe hâcne.
14Ŋicguru i jaŋe hâcne Simeoŋte garikiŋ guru sasawa erâ jumbiŋ; ʒare‐jeŋic ine 22 tauseŋ 200.
15Gade ŋokâfâcne jaŋere garikiŋfâc kecʒiŋuc jumbiŋ: Zefoŋte ɋâricfâc, Zefoŋŋic jaŋe hâcne; Hagire ɋâricfâc, Hagiŋic jaŋe hâcne; Sunire ɋâricfâc, Suniŋic jaŋe hâcne.
16Oʒinire ɋâricfâc, Oʒini ŋic jaŋe hâcne; Elire ɋâricfâc, Eliŋic jaŋe hâcne.
17Arodore ɋâricfâc, Arodo ŋic jaŋe hâcne; Arelire ɋâricfâc, Areli ŋic jaŋe hâcne.
18Ŋicguru i jaŋe hâcne Gadere garikiŋ guru sasawa erâ jumbiŋ; ʒare‐jeŋic ine 40 tauseŋ 500.
19Juda ŋokâ jahec‐ticne Ero â Onaŋ jahe Kanaaŋ mâreŋko hâmopic.
20Ŋokâfâcne gâcne jaŋere garikiŋfâc ine kecʒiŋuc: Serare ɋâricfâc, Seraŋic jaŋe hâcne; Perezere ɋâricfâc, Pereze ŋic jaŋe hâcne. Zerare ɋâricfâc, Zeraŋic jaŋe hâcne.
21Pereze ŋokâfâcne ine ʒiŋuc jumbiŋ: Hezoroŋte ɋâricfâc, Hezoroŋ ŋic jaŋe hâcne; Hamulure ɋâricfâc, Hamulu ŋic jaŋe hâcne.
22Ŋicguru i jaŋe hâcne Judare garikiŋ guru sasawa; ʒare‐jeŋic ine 76 tauseŋ 500.
23Isasa ŋokâfâcne jaŋere garikiŋfâc kecʒiŋuc jumbiŋ: Tolare ɋâricfâc, Tolaŋic jaŋe hâcne, Puware ɋâricfâc, Puwaŋic jaŋe hâcne.
24Jasubure ɋâricfâc, Jasubu ŋic jaŋe hâcne; Simoroŋte ɋâricfâc, Simoroŋ ŋic jaŋe hâcne.
25Ŋicguru i jaŋe hâcne Isasare garikiŋ guru sasawa; ʒare‐jeŋic ine 64 tauseŋ 300.
26Sebuloŋte ŋokâfâc jaŋere garikiŋfâc kecʒiŋuc jumbiŋ: Seredere ɋâricfâc, Serede ŋic jaŋe hâcne; Eloŋte ɋâricfâc, Eloŋŋic jaŋe hâcne; Jalele ɋâricfâcne, Jalele ŋic jaŋe hâcne.
27Ŋicguru i jaŋe hâcne Sebuloŋte garikiŋ guru sasawa; ʒare‐jeŋic ine 60 tauseŋ 500.
28Josefe ŋokâ jahec‐ticne Manase â Eferaim.
29Manase ŋokâfâcne jaŋere garikiŋfâc ine kecʒiŋuc jumbiŋ: Makirire ɋâricfâc, Makiri ŋic jaŋe hâcne, Makiri e ine Gileade ere mamac. Gileadere ɋâricfâc, Gileade ŋic jaŋe hâcne.
30Gileade ŋokâfâcne jaŋere garikiŋfâc ine kecʒiŋuc: Jezerare ɋâricfâc, Jezera ŋic jaŋe hâcne; Helekire ɋâricfâc, Heleki ŋic jaŋe hâcne.
31Asiriele ɋâricfâcne, Asiriele ŋic jaŋe hâcne; Sekemte ɋâricfâc, Sekemŋic jaŋe hâcne.
32Semidare ɋâricfâc, Semida ŋic jaŋe hâcne; Hefere ɋâricfâcne, Hefere ŋic jaŋe hâcne.
33Hefere ŋokâ‐ticne Zelofeha e naru sawa jucnembiŋ, ʒâŋe‐jeŋic ine kecʒiŋuc: Mala, Noa, Hogela, Milika erâ Tiriza.
34Ŋicguru i jaŋe hâcne Manasere guru sasawa; ʒare‐jeŋic ine 52 tauseŋ 700.
35Eferaimte ŋokâfâc jaŋere garikiŋfâc ine kecʒiŋuc jumbiŋ: Sutelacte ɋâricfâc, Sutelac ŋic jaŋe hâcne; Bekere ɋâricfâcne, Bekere ŋic jaŋe hâcne; Tahaŋte ɋâricfâc, Tahaŋŋic jaŋe hâcne.
36Sutelac ŋokâ‐ticne mocjaha ʒâŋene Eraŋ ere ɋâricfâc, Eraŋŋic jaŋe hâcne.
37Ŋicguru i jaŋe Eferaimte ŋokâfâc jaŋere garikiŋ guru sasawa; ʒare‐jeŋic ine 32 tauseŋ 500. Ŋic i jaŋe hâcne Josefe ŋokâfâc‐ticne jaŋere garikiŋfâc.
38Benjamiŋte ŋokâfâc jaŋere garikiŋfâc kecʒiŋuc jumbiŋ: Belare ɋâricfâc, Belaŋic jaŋe hâcne; Asibelere ɋâricfâc, Asibele ŋic jaŋe hâcne; Ahiramte ɋâricfâc, Ahiram ŋic jaŋe hâcne.
39Sefufamte ɋâricfâc, Sefufam ŋic jaŋe hâcne; Hufamte ɋâricfâc, Hufamŋic jaŋe hâcne.
40Bela ŋokâ jahec‐ticne ine Arada â Namaŋ. Aradare ɋâricfâc, Arada ŋic jaŋe hâcne; Namaŋte ɋâricfâc, Namaŋŋic jaŋe hâcne.
41Ŋicguru i jaŋe hâcne Benjamiŋ ŋokâfâc‐ticne jaŋere garikiŋ guru sasawa; ʒare‐jeŋic ine 45 tauseŋ 600.
42Daŋte ŋokâ mocjaha ʒâŋene Suham ere ɋâricfâc i Suhamŋic. Jaŋe hâcne Daŋte garikiŋfâc.
43Suhamŋic garikiŋ guru sasawa jaŋere ʒare i 64 tauseŋ 400.
44Asere ŋokâfâc jaŋere garikiŋfâc kecʒiŋuc jumbiŋ: Iminare ɋâricfâc, Imina ŋic jaŋe hâcne; Isiwire ɋâricfâc, Isiwi ŋic jaŋe hâcne; Beriare ɋâricfâc, Beria ŋic jaŋe hâcne.
45Beria ŋokâfâcne jaŋere garikiŋfâc ine kecʒiŋuc: Hebere ɋâricfâcne, Hebere ŋic jaŋe hâcne; Malikiele ɋâricfâcne, Malikiele ŋic jaŋe hâcne.
46Ase otâ‐ticnere ʒâŋe ine Sera.
47Ŋicguru i jaŋe hâcne Ase ŋokâfâcne jaŋere garikiŋ guru sasawa; ʒare‐jeŋic ine 53 tauseŋ 400.
48Naftalire ŋokâfâc jaŋere garikiŋfâc kecʒiŋuc jumbiŋ: Jehasire ɋâricfâc, Jehasi ŋic jaŋe hâcne; Gunire ɋâricfâc, Guniŋic jaŋe hâcne.
49Jezerare ɋâricfâc, Jezera ŋic jaŋe hâcne; Silemte ɋâricfâc, Silemŋic jaŋe hâcne.
50Ŋicguru i jaŋe hâcne Naftalire garikiŋ guru sasawa; ʒare‐jeŋic ine 45 tauseŋ 400.
51Israe ŋic wose ɋâreŋ ejarekupie qâqâhâc ʒare‐jeŋic 601 tauseŋ 730 iŋuc fuawec.
52Eme Wofuŋzi Mose kecʒiŋuc âzâcnewec:
53“Ŋicguru i jaŋere ʒâŋe biri forakac irec sâcko mâreŋ bâtâc bajarepie ro rauc enʒepieŋ.
54Ehuc ŋicguru kâcɋene jaŋe mâreŋ kâcɋene jarenʒepieŋ â guru piticne jaŋe mâreŋ piticne jarenʒepieŋ; ine hâcne, ŋic ʒare‐jeŋic fokac irec sâcko mâreŋ bâtâc bajarenʒepieŋ.
55Mâreŋ ine ɋâsâi qahuc bâtâc bazo; eme ŋic jaŋe mamacfâc‐jeŋic jaŋere garikiŋ guru ʒâŋe‐jeŋic forakac irec sâcko mâreŋ ro rauc enʒepieŋ.
56Ehame ɋâsâi qapie âke fuaocmu sâc mâreŋ i ŋicguru kâcɋene â piticne bâtâc bajarenʒepieŋ.”
57Lewiŋic garikiŋfâc‐jeŋic wose qâreŋ ejarekicne jaŋe ine kecʒiŋuc: Geresoŋte ɋâricfâc, Geresoŋ ŋic jaŋe hâcne; Kohatire ɋâricfâc, Kohati ŋic jaŋe hâcne; Merarire ɋâricfâc, Merari ŋic jaŋe hâcne.
58Lewire garikiŋfâc ine kecʒiŋuc jumbiŋ: Libini garikiŋfâc, Heboroŋ garikiŋfâc, Mali garikiŋfâc, Musi garikiŋfâc, Kohari garikiŋfâc. Kohati eki ine Amaramte mamac.
59Amaram ŋonâŋ‐ticnere ʒâŋe ine Jokebede, e hâcne Lewire otâ Aigita mâreŋko fuawec. Ŋokac eki hâcne juku Mose â Aroŋ erâ seŋjekic Miriam rocjopawec.
60Aroŋte ŋokâfâc ine ʒiŋuc fuambiŋ: Nadaba, Abihu, Eleaʒa â Itama.
61Nadaba â Abihu jahe ine Wofuŋte maio bâzi wâwânâŋhec rikepicte hâmopic.
62Eme Lewiŋic mosa‐jeŋic wâŋkonec domarâ fekac jaŋe wosec‐jopakupie ʒare‐jeŋic 23 tauseŋ ewec. Jaŋe Israe ŋic gâcne jaŋere ŋondeŋko mâreŋ moc mi jarekicnere Israe ŋic jaŋehec qâturerâ mi wosec‐jopambiŋ.
63Mose â taha bapa Eleaʒa jahe Moabi mâreŋ sawao Jordaŋ opâ heririŋ Jeriko hae ŋewec ira Israe ŋic wose qâreŋ ejarekupire ŋic ʒare‐jeŋic iŋuc hâcne fuawec:
64Ehame Mose â taha bapa Aroŋ jahe mârâc jaha Sinai mâreŋ burocnao Israe ŋic wose qâreŋ ejarepic ŋic i jaŋeraonec moczi guru ʒi jaŋere ŋondeŋko moc mi juwec.
65Jaŋere hâcne Wofuŋzi kecʒiŋuc muwec: “Jaŋe mâreŋ burocnao hâmonʒepieŋ.” Jaŋeraonec Jefunere ŋokâ Kalebe â Nuŋte ŋokâ Josua jahe sawa jupic.
