YƐKOTINƆ̀ 26:16-23

¹⁶Otɔ̃nnɛ́díétì yɛ̀mmɛ̀ dò nhò ciìmu kɛ pɛ̃ɛ̃tɛ́ mɛciì nyɛmbɛ̀ bɛ̀yiekɛ̀ bɛ̀ɛ̀ tɛ̃̀ńnìnko tinɑ́ɑǹtì kɛ̀ dɛ̀ wenni.

¹⁷Kɑ̀ɑ tɑ dikpɑ̀nnì dìì í tú ɑ kpɛri, dɛ̀ dònnɛ̀ tɛmɔtɛ̀ bo mpɛ̃nkɛ́mɛ̀ mmɛ kɑ̀ɑ pĩ́ ntɛ yóú.

¹⁸Kuwɑ́ɑ́tíkù kuù bɔmmù yɛhɑ̃ɑ̃tĩrɛ, kɛ tɑ̃ũ ipie nkɛ kɔù.

¹⁹Onìtì wèè soutɛ́ otɔù kɛ dèè kɛ tú ò do wɑ́ntí, o kpɛrɛ mɛ ndò.

²⁰Kɛ̀ idɛí dèè muhɑ̃ɑ̃́ nhɔ̃ɔ̃ kúmu, kɛ̀ bɛnɑ́ɑǹtɔubɛ̀ dèè yɛkpɑ̀rɛ̀ dèèmu.

²¹Wèè ce nyɛkpɑ̀rɛ̀ ò dònnɛ̀ yɛkũɔ̃ nyɛ̀ɛ̀ cɔ̀ú nyɛ̀nyɛ muhɑ̃ɑ̃́, idɛí ìì cɔ̀ú mmuhɑ̃ɑ̃́.

²²Onɑ́ɑǹtɔutì nɑ́ɑǹtì dònnɛ̀ mucekɔ̀yuo mmu, kɛ wɛɛti kɛ cuutoo tipɔutì miɛkɛ.

²³Tinɑ́ɑǹnɑtì nɛ̀ mɛyɛ̀mmɛ̀ yɛimɛ, donnɛ̀ mɛsɔɔ sĩ̀mmɛ̀ mmɛ bɛ̀ dɑ̀rimɛ̀ tiyɑɑmɑtì ĩ́nkɛ̀.