Proverbio 26:16-23

¹⁶Ipagarup di nasadot ay nalalaing sisya mo piga ay ipogaw ay naannad ay mansongbat.

¹⁷Din makibiyang si ibaw di odom et kaman ipogaw ay mamden si ingan di malablabas ay aso.

¹⁸Kaman naboge ay mangipanpana si matadem ya manbidbidang ay pana

¹⁹din mangietek si gait na asi na kanan en solog na.

²⁰Mad-ep din apoy mo magay kaiw, maga abey man-iibaw mo magay mantaytayoktok.

²¹Kaman din iyat di oling ya kaiw ay mangipabidang si apoy din iyat di makaibaw ay mangipapigsa si pan-iibawan.

²²Din tayoktok yan kaman mam-is ay makan ay laylayden ay okmonen.

²³Din mangilingeb si lawa ay nemnem na babaen si mayat ay kali et kaman dinamili ay banga ay nam-es si mankoniniing ay kaman palata.