Zaburi 97:1-9

¹Yahwe anatawala; nchi ishangilie; visiwa vingi na vifurahi.

²Mawingu na giza vyamzunguka. Haki na hukumu ndio msingi wa kiti chake.

³Moto huenda mbele zake nao huwateketeza adui zake pande zote.

⁴Taa yake huangaza ulimwengu; nchi huona na kutetemeka.

⁵Milima huyeyuka kama nta mbele za Yahwe, Bwana wa dunia yote.

⁶Mbingu hutangaza haki yake, na mataifa yote huuona utukufu wake.

⁷Wale wote waabuduo sanamu za kuchonga wataaibishwa, wale wanao jivuna katika sanamu zisizo na maana mpigieni yeye magoti, enyi miungu wote!

⁸Sayuni ilisikia na kufurahi, na miji ya Yuda ilishangilia kwa sababu ya amri zako za haki, Yahwe.

⁹Kwa kuwa wewe, Yahwe, ndiye uliye juu sana, juu ya nchi yote. Umetukuka sana juu ya miungu yote.