1¡Nochi taltipacti ma paqui pampa TOTECO tanahuatía! Huan nochi nopa pilaltepetzitzi cati mopantíaj tatajco hueyi at, xiquinilhuica nojquiya ma paquica.
2Mixti huan tzintayohuilot quiyahualojtoc Toteco. Huan itanahuatilis pejtoc ipan cati melahuac huan cati xitahuac.
3Iixpa tayacanti se tit cati quintzontamiltía icualancaitacahua.
4Nopa tapetanilot cati yaya quititani quitaahuilía nochi taltipacti. Huan ni taltipacti huihuipica quema quiita.
5Nochi tepeme atiyaj quej cera iixpa TOTECO cati iaxca nochi taltipacti.
6Ilhuicacti tayolmelahua para Toteco xitahuac tetajtolsencahua. Huan nochi taltipacti quiita ihueyitilis.
7Ma pinahuaca nochi cati quinhueyichihuaj teteyome, huan nochi cati mohueyimatij ica inintaixcopincayohua cati amo teno ininpati. Nochi sequinoc ten amojuanti cati masehualme amechtocaxtía “andioses” ximotancuaquetzaca iixpa Toteco.
8TOTECO, nopa altepet Jerusalén huan nochi altepeme ipan tali Judá quipiyaj paquilisti ica motamachtil.
9Pampa ta, tiTOTECO, tijnahuatía nochi taltipacti, huan más tihueyi que nochi sequinoc dioses.
SALMOS 97
SALMOS 97:1-9