Kölfel 97:1-9

¹Ewe Samol mi Lapalap a nemenem, fanüfan epwe meseik, ekewe fanüen lematau meinisin repwe pwapwa.

²Kuchu me rochokich ra pweli ünükün Kot, pwüng me apwüng longolongun an nemenem.

³Ekkei a akomwola mwan o kenala chon oputan mi nom ünükün.

⁴An kewe fifi ra asarama fanüfan, chon fanüfan ra küna o chechech.

⁵Ekewe chuk ra telila usun kiris me fän mesen ewe Samol mi Lapalap, me fän mesen ewe Samol mi nemeni unusen fanüfan.

⁶Ekewe läng ra asilefeili an pwüng, nge chon ekewe mwü meinisin ra küna an ling.

⁷Aramas meinisin mi fel ngeni ekewe uluulun anümwäl repwe küna säw, pwal chokewe mi aingaing won ekewe anümwäl esap wor aüchear. Ekewe kot meinisin ra chapetiu me mwen ewe Samol mi Lapalap.

⁸Sion a rongorong ei o pwapwa. Ekewe telinimwen Juta ra meseik pokiten om kewe apwüng, ai Kot.

⁹Pun en, ai Samol mi Lapalap, ka fokun tekia won unusen fanüfan, ka fokun tekia lap seni ekewe kot meinisin.