Salmo 97:1-9

¹Si Diyos di manturay isonga manragsak kayo ay ipogaw isnan daga, olay dakayo ay wada sin kaaddawian ay soli na.

²Nanliniked di liboo ya bolinget en sisya, nalinteg di panangituray na.

³Waday apoy sin sango na, et pooana din kalabana ay nanlikob en sisya.

⁴Masilawan din lobong sin kimat na, manpayegpeg din daga ay mangila.

⁵Din dodontog yan kaman allid ay matenaw da sin sangoanan Diyos ay mangituray sin intiro ay daga.

⁶Din wada ed daya yan ipaammo da din kinalinteg na, mailan di amin ay nasyon din kinangato na.

⁷Amin ay mandayaw si kinitikitan et maibabain da, siya abe sin mangit-it-ek si didiyosen ay magay silbi na. Amin ay sinan didiyos et manyakog-ong da sin sangoanana.

⁸Gapo sin panangokom Diyos yan manragsak da din ipogaw ed Zion ya Juda.

⁹Tan si Yahweh di mangituray sin intiro ay daga, mo is-o sin didiyosen, addawi ay nangatngatos sisya.