SALMOS 97:1-9

¹¡Nochi tlaltepactli ma paqui pampa TOTECO tlanahuatía! Huan nochi nopa pilaltepetzitzi tlen mopantíaj tlatlajco hueyi atl, xiquinilhuica nojquiya ma paquica.

²Mixtli huan tzintlayohuilotl quiyahualojtoc Toteco. Huan itlanahuatilis pejtoc ipan tlen melahuac huan tlen xitlahuac.

³Iixpa tlayacanti se tlitl tlen quintzontlamiltía icualancaitacahua.

⁴Nopa tlapetlanilotl tlen yajaya quititlani quitlahuilía nochi tlaltepactli. Huan ni tlaltepactli huihuipica quema quiita.

⁵Nochi tepetini atiyaj queja cera iixtla TOTECO tlen iaxca nochi tlaltepactli.

⁶Elhuicactli tlayolmelahua para Toteco xitlahuac tetlajtolsencahua. Huan nochi tlaltepactli quiita ihueyitilis.

⁷Ma mopinahuaca nochi tlen quinhueyichihuaj teteyome, huan nochi tlen mohueyimatij ica inintlaixcopincayohua tlen ax tleno ininpati. Nochi sequinoc imojuanti tlen tlacame inmechtocaxtíaj “intiotzitzi” ximotlancuaquetzaca iixtla Toteco.

⁸TOTECO, nopa altepetl Jerusalén huan nochi altepetini ipan tlali Judá quipiyaj paquilistli ica motlamachtil.

⁹Pampa ta, tiTOTECO, tijnahuatía nochi tlaltepactli, huan más tihueyi que nochi sequinoc tlen quintocaxtíaj tiotzitzi.