Zəbur 127:1-5

¹Süleymanın ziyarət nəğməsi. Evi Rəbb tikməzsə, Bənnaların zəhməti boşa gedər. Şəhəri Rəbb qorumazsa, Keşikçilər boş yerə orada gözlər.

²Erkən qalxıb gec yatmağınız, Azuqə üçün özünüzü çox yormağınız faydasızdır. Rəbb sevdiklərinə yuxuda olanda belə, verər.

³Övladlar Rəbbin verdiyi paydır, Bətnin bəhrəsi Onun mükafatıdır.

⁴İnsanın gənc ikən övladları olarsa, Bir igidin əlindəki oxlara bənzər.

⁵Oxdanı bu cür dolu olan nə bəxtiyardır! Darvazada əleyhdarları ilə çəkişən zaman Xəcalətli olmayacaq.