1Wofuŋzi fic mi baocmuo, fic bapa ŋic jaŋe gie bâipieniŋmu; Wofuŋzi hae mi soŋaŋkeocmuo, ruc bapa ŋic e maŋgâŋ guŋɋâri juocmu.
2Ŋoŋe maŋgâŋ furicte faharerâ, gie baŋafeku guŋdameŋ jâurueŋgopieŋ, erâ ʒâic gie bahuc nânâ nâeŋgopieŋ. Jorocfâcne jaŋe baku guŋ fohapie jareekac.
3Oi, ŋokâ guru sâko i Wofuŋte taha biaŋ, â bifuŋkonec fuakicne jaŋe wiac furi sâko.
4Socɋâri juhuc ŋokâ bâfuac‐jopakicne, i ʒikaŋic tepe motec focnekac irec sâc.
5Moc e i mi basaocmuzi sâcne juhâmoocmu, â râsifâcne jaŋehec tomao dâŋgie bahuc mi qurutuaocmu.
Miti Mânec 127
Miti Mânec 127:1-5