1Sɑlʋmɔŋ Yosɑlɛm kpɑʋ yontu. Ye Tɑcɑɑ ɩ́ tɑ ŋmɑ təyɑɣɑ, kɑ ŋmɑlɑɑ tənɑ lʋkənɑ lɑ́ŋɑ́ kɛ́. Ye Tɑcɑɑ tɑ feŋ ɩcɑtɛ tɔɔ, tə feŋlu lʋkənɑ lɑŋlɛ kɛ́.
2Ɩ́ kʋləɣɩ tefemle nɑ ɩ́ tooki tɑpɩɩlɛ, nɑ ɩ́ lɑkɩ sɩ ɩ́ hiki mə tɔɣɔnɑɣɑ tɔ, ɩ́ lʋkənɑ lɑŋɑ kɛ́. Ɩsɔ hɑɑkɩ mpʋ tɔtɔɣɔ ɩ sɔɔllɑɑ kɛ́ pɑɑ pɑ tɔŋnɑ tom.
3Piyɑ kɛnɑ wɛnɑʋ mpi Tɑcɑɑ hɑɑkɩ sɩ cɑɑnɑɑ tɔ, pɑ kɑsəyɑɣɑ ntɛ́.
4Piyɑ mpɑ yʋlʋ hikɑ ɩ ɩfepile wɑɑtʋ tɔ, pɑ wɛɛ kɛ́ ɩsɩɩ yoolu kɔɔkɑ tɑɑ nyəmɑ́.
5Leleŋ nɩɩlʋ ntɛ́ yʋlʋ wei ɩ suulɑ pə tɛ́ nyəmɑ́ kɛ ɩ kɔɔkɑ tɔ. Ɩ kɑɑ nyɑnɑ ɩ kolontunɑɑ kɛ wɑɑtʋ wei ɩ yɔɣɔtəɣənɑ-wɛɣɛ ɩcɑtɛ nɔnɔɣɔ tɛɛ tɔ.