Salmo 127:1-5

¹Emun kenà edtavang is Nengazen te kedtukud te valey, ne kenà ebpulus is kahaǥù te midtukud kayi. Emun kenà ebentayan te Nengazen is inged, ne kenà ebpulus is kebentayi kayi te menge vantey.

²Emun kenà edtavang is Nengazen, wazà daan pulus te kedhaǥù te kedsayu ked-enew wey is kedlapus te kedterebahu para zuen egkekaan. Su iyan is Nengazen ebeǥey te menge kinahanglan te menge etew he mibmahal zin, minsan nekelipezeng sikandan.

³Is menge anak beǥey wey gasa he ebpuun te Nengazen.

⁴Is amey he zuen din menge anak he nengeetew hein betan-en pa sikandin iring te sevaha he sundaru he zuen din menge panà.

⁵Utew zeyzey is etew he zuen din mahabet he menge anak, su zuen ebpeketavang kandin te ked-etuvang te menge kuntada zin diyà te hukmanan.