Sam 127:1-5

¹(Keke kinera te Solomone) Be lopu kuria e Zihova sa vetu, si kote loke laena sa tinavete tadi na tie kuri vetu. Be lopu kopu nia e Zihova sa vasileana, si loke laena pude kopu nia ari na tie varane si asa.

²Loke laena pude vaṉunu munumunu hokara, meke pule boṉi pa tinavete ṉiṉirana pude hata ia sa kinoa valeana. Ura e Zihova tu poni sarini pu tataru ni Sa, meke poni totoso puta Sa si arini.

³Sari na koburu si na vinariponi te Zihova, na minana hinokara si arini.

⁴Sari na tuna koreo sa tie totoso vaqurana sa, si kekeṉoṉo guana tupi pa limana sa tie varane.

⁵Qetu tugo sa tie pu soku tuna guana tie pu siṉi sa nana voivoina tupi, sina lopu kaqu boka tava kilasa si asa, pana tutuvi sa sari nana kana pude varitokei pa sasadana sa vasileana.