Iob 37

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

¹Ta go bula ra balagu i dadadar, Ma i pipipidil ta kana pakana.

²Avat a valongore ra nilaina, i ti ngala mat, Ma ra kurkurung i arikai ta ra ngiene.

³I tulue ra rurungana vurvurbit ta ra vavai na bakut, Ma kana meme ta ra lavur ngu na rakarakan a gunagunan.

⁴A rurunga i mur ra meme; God i tata ma ra ngala na nilai kana minamar, Ma pa i tur bat ra meme ba di valongore ra nilaina.

⁵A dekdek na nilai God i vaarike kana lavur enana papalum; I pait ra umana ngala na magit, nina pa da nuk valar pa diat.

⁶Tago i biti ta ra madoldol na mavoko: Una bura ta ra gunagunan; Ma damana ta ra bata ma ta ra dekdek na bata: Una ongor.

⁷I tur bat ra papalum kai ra tarai, Upi ra tarai par diat a kapa tana.

⁸A umana leing dia ruk ta kadia umana bakbakit, Ma dia kiki ta kadia umana babang.

⁹A karangap na vuvu i tut rikai maro ra matana taubar, Ma ra madoldol i vut maro ra matana labur.

¹⁰A ais i arikai ta ra ubar kai God, Ma ra umana polakikil dia dekdek ta ra madoldol.

¹¹A bakut i mamat ma ra bata; Ma i palapala ia ta ra umana bakut.

¹²Ta kana varkurai i vana vurvurbit, Upi na pait ot pa kana vartuluai ta ra mata i ra rakarakan a gunagunan.

¹³Ba ure ra varpit, ba ure kana pia, Ba ure ra varmari, ia iat i tulue.

¹⁴Ea, Iob, una ki na valavalongor; Una tur vovovon, ma una nukure ra lavur enana papalum kai God.

¹⁵Dave, u nunure ba God i kure davatane diat, Ba ra meme i arikai dave kan kana bakut?

¹⁶U nunure laka ba ra lavur gobol a bakut dia tabataba dave, A papalum kai nina kana minatoto i ko kakit?

¹⁷U nunure ra vuna ba kaum umana mal dia malamalapang, Ba ra rakarakan a gunagunan i mutmut ure ra taubar?

¹⁸I tale u laka pi una pala are ra pal a bakut, Nina i dekdek da ra tiroa na palariam gobol, Da ia iat i pait ia?

¹⁹Una tovo avet ta ra magit ba avet a tatike pirana; Ave ma nuknuk upi ta tinata tago pa i kapa.

²⁰Da ve laka ba amir a tata me? Gala ta tutana na tata, gala na papaniai.

²¹Ma go pa i tale ra tarai ba diat a bobe ra matana keake, Nina i rarao mat ta ra bakut, Ba ra vuvu i tar vut ma i tar kap vue ra umana bakut.

²²Ma ra kapa i rarao mat i arikai maro ta ra matana labur; God i mong ma kana ngala na minamar.

²³Pa i tale dat pi dat a nunure ot pa ra Dekdek Muka; a dekdekina i manga lia kakit; Kana varkurai i takodo vurakit, ma pa na kure varara ta tikai.

²⁴Damana ra tarai dia ru ia; la iat pa i kap nuk upi diat dia malamala tena kabinana tana.