4A bɑ́ɑ́ tɛ̃́nnɛ́ kuyɛìnkù tiyɛìnnɑ́ɑǹtì, ɑ yɑ̀ɑ̀ bo kù nɑɑ́nnɛ̀.
5Tɛ̃́nnɛ́ kuyɛìnkù dɛ̀ dò nhɑ kù tɛ̃̀ńnɛ́ tì ku yɛ̀mmɛ̀ yɑ̀ɑ̀ bo ndò nkù ciì.
6Wèè tɔ̃ nkuyɛìnkù nɛ̀ tinɑ́ɑǹtì, ò kèkɛ́ o tɑ̀ɑ̀kɛ nyi kɛ wɑɑ̀ nhomɑ́ɑ̀ kunɑupíɛ́.
7Kuhɔ̀ùkù tɑ̀ɑ̀kɛ dòmmɛ̀ kɛ kpɑ muwɛ̃rímú, kuyɛìnkù kó dikotinùù mɛ ndò.
8Kɑ̀ɑ sɑ̃ntɛ kuyɛìnkù dɛ̀ dònnɛ̀ ɑ boú ditɑ̃́rì ndi mutɑ̃́ntɛ̀ndìtìmù.
9Kupo ɔ̃ɔ̃ kṹṹ kunɑɑ̀yɑ̃̀kɛ́muɔ́nkù kɛ̀ dɛ̀ ndòmmɛ̀, dikotinùù mɛ ndò kuyɛìnkù nùù miɛkɛ.
10Okpɑ̀ɑ̀tì wèè sɔ̃̀ńtɛ́ kɛ tóú tiyɛìntì mutɔ̃mmú, ò cɑ̀ɑ̀ri bɛnìtìbɛ̀ bɛmɔu ndi.
YƐKOTINƆ̀ 26
YƐKOTINƆ̀ 26:4-10