Tɛnɛ Faalaaliiti 26:4-10

⁴Mina ɠimalala nui wooɠaaʋote ga ná-ɠimalalai ɠɛʋele, è ʋa ɠɛ ga tɔun kɛʋele ɗa ɓɔɠɔi.

⁵Ɠimalala nui wooɠaaʋote, é zoloo ná-ɠimalalai ma, a ʋa ɠisiɛ ga toɠa ga ɠima nu.

⁶Zɔi é keela woo ɠalivaazu ɠimalala nui ma, naa ɠa ɠɔɠɔiti teʋezu ga, ta toɠa gaazuvilɛ vaa mɔinmɔin sei luɠɔ.

⁷Ʋelei mɛɠɛlɛ nui ɠɔɠɔiti ti zu la yɔɔɠɛ, ʋele ɠana zɛbɛ la la faalaalii ya, nii ɠimalala nui bosu.

⁸Ɠimalala nui maamusɛ vai ɠɛɛʋɛ eɠɛ nu a ʋa li kɔtui ɠilizu fɛlɛvɛlɛgi ʋa.

⁹Ɠaingi é zoni dɔɔzo nui ya, ʋele ɠana faalaalii la ɠimalala nui laaʋɛ.

¹⁰Ʋelei kpɛɛin ʋili nui la, é nuɓusɛi kpein maawanazu, pele ɠana naama nui la, nii é ɠimalala nui zeɠezu botiɠɛ vai ma, ɓaa teʋeteʋe nuiti.