1«مِشِ شَ قٍ مُ لُشِ شّ دُنِحَ مَ عَلْ سْورِ؟ عَ شَ دُنِحّءِفِرِ مُ لُشِ شّ عَلْ وَلِكّ؟
2كٌنيِ فبَتَمَ كْي شَ سٌ، وَلِكّ فبَتَمَ عَ سَرٍ رَ.
3ﭑ تَن قَن، ﭑ كّ بَرَ قِندِ تْورّ رَ، ﭑ مَ وَلِ سَرٍ بَرَ قِندِ شْنّ رَ.
4ﭑ نّ ﭑ سَمَ، ﭑ لُ رَ عَ مَنّ، ‹ﭑ كٍلِمَ تّمُي مُندُن؟› شِشْلِ مُ ﭑ تَن بّ، تْورّ نَن تُن عَ رَ كْي بِرِن كُي.
5كُلِ دِنقٍ ﭑ قَتٍ رَ، ﭑ كِرِ نَ بْرْقٍ، يَلٍيٍ تِقٍ عَ مَ.
6ﭑ مَ سِمَيَ شُلُن مَبْي شَ مَبْي وُرِ بّ.
7عَلَ، عِ شَ رَتُ عَ مَ ﭑ مَ سِمَيَ حّنفِ نَن تُن عَ رَ، ﭑ يَيٍ مُ قٍ قَنيِ تٌمَ كْرّ.
8يَ نَشَن تِشِ ﭑ نَ، نَ مُ ﭑ تٌمَ سْنْن، عَ فبٍ مُ لُشِ ﭑ شَ لْي عِ مَ.
9كُندَ نَ تٍ، عَ مَن لْي. عَدَ مَدِ قَن نَ سِفَ عَلِفِيَمَ، عَ مُ فبِلٍنمَ قَ رَ.
10عَ مُ فبِلٍنمَ عَ شْنيِ سْنْن، عَ شَ قْشْي مُ رَتُمَ عَ شَ قٍ مَ سْنْن.
11نَ نَن عَ تٌشِ ﭑ مُ ﭑ دّ سُشُمَ، ﭑ نَن ﭑ مَ تْورّ عِقَلَمَ نّ، ﭑ نَن ﭑ مَوَ ﭑ مَ شْرْرْي كُي.
12ﭑ قِندِشِ عِ بّ بَا نَن نَ، شَ نَ مُ عَ رَ، دَالِسٍ شُن سٌلٌقٍرٍ كَنيِ، عِ تٌ قَ بِرَشِ ﭑ مَ قٍ قْشْ رَ يِ مْولِ رَ؟
13ﭑ نَ عَ قَلَ، ‹ﭑ شَ ﭑ سَ، ﭑ شَ شِ، عَلَكٌ ﭑ شَ ﭑ مَ تْورّ مَيَنقَ،›
14عِ ﭑ مَفَاشُ شِيٍ نُن لَامَتُنيِ حَاشِيٍ رَ.
15قَشّ نَن تُن شْلِ قَ ﭑ مَ تٌ، دَنفِ يِ شْرِيٍ رَ نَشٍيٍ لُشِ ﭑ بّ يِ كِ.
16ﭑ مَ سِمَيَ بَرَ رَحَاشُ ﭑ مَ، ﭑ مُ وَ مَ بُقٍ دُنِحَ مَ سْنْن. ﭑ بّحِن، ﭑ نِي تِدٍ مُ نَ سْنْن.
17مُنسٍ نَ عَدَ مَ رَ نَشَن عَ نِيَمَ عِ شَ عِ حْشْ سَ عَ شْن مَ،
18عِ نُ عَ مَتٌ تّمُي بِرِن؟
19عِ عِ يَيٍ بَمَ ﭑ نَ تّمُي مُندُن؟ عِ ﭑ لُمَ ﭑ يّتّ رَ مُن لْشْي؟
20شَ ﭑ بَرَ يُنُبِ رَبَ عِ رَ، نَ قَلَ ﭑ بّ، عِ تَن نَشَن عَدَ مَدِ مَتٌمَ. ﭑ تَن يٍفٍتِشِ عِ يِ رَ مُنقٍ رَ مَتٌي رَ؟
21مُنقٍ رَ عِ مُ دِحّ ﭑ مَ قٍ كٌبِ مَ؟ مُنقٍ رَ عِ مُ ﭑ مَ يُنُبِ شَقَرِ؟ عَ فبٍ مُ لُشِ ﭑ شَ قِندِ بّندّ رَ. نَ تّمُي عِ مُ ﭑ تٌمَ سْنْن.»
