Yoube 7

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

¹Osobo bagade dunu ea esalusu da sesesu dadi gagui dunu ea hawa: hamosu defele amola udigili gasa bagade hawa: hamosu agoane.

²Ea esalusu da udigili hawa: hamosu dunu amo da anegagima:ne, ifa ougiha esalumusa: hanai gala. Ea esalusu da hamosu dunu amo da ea bidi lama:ne, hanaiwane ouesalebe ba:sa.

³Oubi uduli, eno uduli, na da udigili se nabawane esala. Na bu esaloma:ne da bai hame gala. Gasili asili bu eno gasili, na da da:i dioi fawane ba:sa.

⁴Na da golai be sidagane esala. Gasi huluane na da sidagane gilala, soge hedolo hadigima:ne dawa:lala.

⁵Na da:i da fioso amoga nabai. Na da:i da aiya heheya: amoga dedeboi dagoi. Na aiya amoga guhi da daha.

⁶Na da hobea misunu dafawane hamoma:beyale dawa:lusu hamedene, eso da hedolowane hehenasa.

⁷Gode! Mae gogolema! Na esalusu da mifo lai afadafa fawane agoai gala. Na hahawane hou da fisi dagoi.

⁸Dia da wahadafa na ba:sa. Be hobea bu hamedafa ba:mu. Dia na hogosea, na da asi dagoi ba:mu.

⁹-

¹⁰Mu mobi da ba:lalu, hedolowane gilasi dagoi ba:sa. Amo defele, ninia osobo bagade dunu da bogosea, hame buhagisa. Nini dawa:su dunu, ilia da nini hedolo gogolesa.

¹¹Hame mabu! Na da hamedafa ouiya:mu! Na da ougi amola gia:i bagade gala. Na da sia:mu!

¹²Gode! Dia da abuliba:le na sosodo aligisala:? Na da wayabo bagade wadela:i ohe bagade, Dia da dawa:sala:?

¹³Na da helefimusa: diala be golamu hamedei. Na da na se nabasu fisima:ne, logo hogosa.

¹⁴Be Dia da na beda:ma:ne simasia olelesa. Dia da na esala ba:la:lusu amola wadela:i simasia ba:su nama iasisa.

¹⁵Amaiba:le, na da na da:i ganodini bu esalumu higasa. Dunu eno da na galogoa gaguli, na fane legemu da defea gala.

¹⁶Na da yolesimu galebe. Na da esalumu higasa. Dia na yolesima! Na esalusu da bai hamedafa gala.

¹⁷Dia abuliba:le osobo bagade dunu da mimogoayale dawa:sala:? Dia abuliba:le ilia hamobe sosodolalala:?

¹⁸Dia da hahabe huluane ili abodelala. Dia da mae fisili ilima adoba:lala.

¹⁹Na defo hano ni da:gima:ne, Di da nama sosodobe fonobahadi yolesimu da defea gala.

²⁰Di da nama se iasu diasu ouligisu dunu agoai gala. Na wadela:i hou da Dima se iahabela:? Dia da abuliba:le, dimaga:su adoba:ma:ne, nama dadiga dimaga:sala:? Na da Dima dioi bagade gaguli ahoabe liligila:?

²¹Dia da na wadela:i hou hamedafa gogolema:ne olofoma:bela:? Dia da na wadela:i hamobe amo gogolema:ne olofomu hamedei ba:sala:? Na da hedolowane bogole, uli dogoi ganodini sali ba:mu. Amola, Dia na hogole ba:sea, na da asi dagoi ba:mu.”