Job 7

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

¹“Di mouli o tangada le e hai gadoo be di moomee ne hono ang gi tangada dauwa, e hai gadoo be di moomee haingadaa gi tuaidina.

²E hai gadoo be di hege dela e hiihai huoloo gi di gowaa dela e malu ge magalillili, e hai gadoo be tangada ngalua dela e talitali dono hui.

³Nia malama e hagadau mai e odi gi muli gei deai di mee e mouli ginai au ai. Nia boo huogodoo e gaamai gi di au di manawa gee.

⁴Dogu madagoaa ma gaa moe gi lala belee kii, gei nia aawaa e duainau huoloo. Au e dagadaga i di boo dogomaalia e talitali di maalama o di luada.

⁵Dogu huaidina guu honu ila, guu honu i nia magibala. Nia uugau e halihali mai i ogu magibala.

⁶Ogu laangi e odi gi daha deai di hagadagadagagee ai, e limalima dono odi gadoo be di limalima o di iwi di maatiin dui mee.

⁷“Meenei God, gi langahia bolo dogu mouli le e hai gadoo be di dogi e dahi, dogu tene la gu hagaodi.

⁸Goe e daumada au dolomeenei, maalia gei Goe ga de gidee e Goe au. Maa Goe ga halahala au, gei au gu hagalee.

⁹Tangada dela gaa made, gu hagalee hanimoi labelaa, e hai gadoo be di baahi gololangi dela ma ga hagalee i golo guu ngala gi daha. Digau ala nogo iloo ginaadou digaula, la gu de langahia digaula.

¹¹Deeai, au hagalee e noho deemuu! Au gu hagawelewele huoloo, guu mmala ogu lodo, au e hai loo gi helekai.

¹²“Goe e aha dela e loloohi au? Goe guu hai au bolo au e hai gadoo be di iga damanaiee lodo moana?

¹³Au gaa moe gi lala belee hagamolooloo, au e halahala be di maa di aha dela e mee di hagahumalia dogu mmae.

¹⁴Gei Goe e hai au gi madagu i au midi. Goe ne hai hua au gii hai agu moe mo nia midi huaidu,

¹⁵dela ga hidi mai iei au bolo au e mademade au gi daha mo di mouli huaidu dela i lodo tuaidina nei.

¹⁶Deai dagu mee e gana ginai au ai. Au gu duadua di mouli. Goe gi diagia hua au, gu hagalee dahidamee dogu mouli.

¹⁷“Ma e aha dela Goe e hagalabagau nia daangada dangada? Goe e aha dela e hagalongo gi nadau helekai?

¹⁸Goe e hagadina digaula i nia luada huogodoo, ge hagamada digaula i nia madagoaa huogodoo.

¹⁹E hai behee, Goe e deemee di huli gi daha mo au i tama madagoaa, bolo gii mee au di holo agu haawale?

²⁰E hai behee, Goe e lodo huaidu gi ogu huaidu, ma Kooe dela e lawalawa nia daangada? Goe e aha dela e hai au di mee e hagamada mee? E hai behee, au guu hai di mee aamo mee dela e daamaha adu gi di Goe?

²¹E hai behee, Goe e deemee di dumaalia mai gi di au i ogu huaidu? Goe e deemee di haga de langahia ogu hai hala? Au gu hoohoo dogu hana gi lodo dogu daalunga, gei au ga hagalee i do madagoaa dela ma ga halahala mai au.”