Ayuba 7

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

¹«Mixi xa fe mu luxi xɛ duniɲa ma alɔ sɔɔri? A xa duniɲɛigiri mu luxi xɛ alɔ walikɛ?

²Konyi gbatama kɔɛ xa so, walikɛ gbatama a sare ra.

³N tan fan, n kɛ bara findi tɔɔrɛ ra, n ma wali sare bara findi xɔnɛ ra.

⁴N nɛ n sama, n lu ra a manɛ, ‹N kelima tɛmui mundun?› Xixɔli mu n tan bɛ, tɔɔrɛ nan tun a ra kɔɛ birin kui.

⁵Kuli dinfe n fate ra, n kiri na bɔrɔfe, yalee tife a ma.

⁶N ma simaya xulun mabɔɛ xa mabɔɛ wuri bɛ.

⁷Ala, i xa ratu a ma n ma simaya ɲɛngi nan tun a ra, n yae mu fe fanyi toma kɔrɛ.

⁸Ya naxan tixi n na, na mu n toma sɔnɔn, a gbe mu luxi n xa lɔɛ i ma.

⁹Kunda na te, a man lɔɛ. Adamadi fan na siga aligiyama, a mu gbilenma fa ra.

¹⁰A mu gbilenma a xɔnyi sɔnɔn, a xa fɔxɔɛ mu ratuma a xa fe ma sɔnɔn.

¹¹Na nan a toxi n mu n dɛ suxuma, n nan n ma tɔɔrɛ ifalama nɛ, n nan n mawa n ma xɔrɔrɔɛ kui.

¹²N findixi i bɛ baa nan na, xa na mu a ra, daalise xun solofere kanyi, i to fa biraxi n ma fe fɔxɔ ra yi mɔɔli ra?

¹³N na a fala, ‹N xa n sa, n xa xi, alako n xa n ma tɔɔrɛ mayanfa,›

¹⁴i n magaaxu xiye nun laamatunyi ɲaaxie ra.

¹⁵Faxɛ nan tun xɔli fa n ma to, dangi yi xɔrie ra naxee luxi n bɛ yi ki.

¹⁶N ma simaya bara raɲaaxu n ma, n mu wama bufe duniɲa ma sɔnɔn. N bɛɲin, n nii tide mu na sɔnɔn.

¹⁷Munse na adama ra naxan a niyama i xa i ɲɔxɔ sa a xɔn ma,

¹⁸i nu a mato tɛmui birin?

¹⁹I i yae bama n na tɛmui mundun? I n luma n yɛtɛ ra mun lɔxɔɛ?

²⁰Xa n bara yunubi raba i ra, na fala n bɛ, i tan naxan adamadi matoma. N tan yegetixi i yi ra munfe ra matoe ra?

²¹Munfe ra i mu diɲɛ n ma fe kobi ma? Munfe ra i mu n ma yunubi xafari? A gbe mu luxi n xa findi bɛndɛ ra. Na tɛmui i mu n toma sɔnɔn.»