Zobi 32

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

¹Ke sari ka ṉeta hire, Elipazi, Bilidadi, meke Zopara, si noso; lopu olaṉa pule la koe Zobi, sina toṉoto nana si asa pa nana binalabala soti.

²Ba se Elihu, sa tuna Barakele na tie pa tuti te Buzi pa tatamana te Rami, si bugoro sisigiti nia sa se Zobi, sina toṉoto nana si asa gua, meke zutua sa sa Tamasa.

³Bugoro ni tugo e Elihu sari ka ṉeta baere te Zobi, sina zutu ia rini ba lopu boka va sosodea rini sapu sea se Zobi, ke guana somana zutua rini sapu sea sa Tamasa.

⁴Sipu korapa zama si arini si aqa se Elihu, sina na tie vaqura si asa.

⁵Ba totoso dogoria sa sapu hokoto ni zinama si arini si bugoro mo si asa.

⁶Ke olaṉa se Elihu sa tuna Barakele na tie pa tuti te Buzi, “Arau si na tie vaqura meke gamu si na barogoso mia, ke matagutu si rau pude tozini gamu gua sapu gilania rau.

⁷Balabala si rau, ‘Ari kasa tie koadi si pada zama, sina sa ginilagilana lohina si luli gua pa vuaheni.’

⁸Ba sa hinokarana si sa Maqomaqona tu Tamasa pa tie, meke sa siniṉo tanisa Tamasa pu tagoi sari doduru ṉiniraṉira sapu ponia ginilagilana lohina si asa.

⁹Lopu ari na barogoso mo si gilagilana, lopu arini pu kokoadi mo gilania na sa si toṉoto.

¹⁰Gua asa ke zama si arau: ‘Mi avoso mae; arau ba hiva tozini gamu sapu balabala ia rau.’

¹¹Aqa si rau totoso zama si gamu, avosi rau sari mia zinama tumatumae; totoso hatai gamu sari na zinama pu gotogoto.

¹²Va avoso atu si arau, ba loke tie boka va dogoro nia koe Zobi sapu sea si asa, lopu keke gamu olaṉi sari nana vina vura binalabala.

¹³Mi lopu zama, ‘Gami ele dogoria sa ginilagilana hinokara; Tamasa mani tozi nia sapu sea si asa, ba lopu gami na tie,’ gua.

¹⁴Lopu koa rau gonagona mae ni Zobi sari nana zinama, meke lopu kaqu olaṉia rau koa rina mia zinama.

¹⁵Zobi, ele nunala sari ka ṉeta, loke dia inolaṉa, meke loke zinama pule si koa.

¹⁶Ba vea, na lopu kulu si arini ke kaqu aqa tu si rau, sipu korapa loke dia inolaṉa?

¹⁷Lokari, sari qua inolaṉa si kote zama ni rau; arau ba kote tozi vura ni sapu gilani rau.

¹⁸Ura siṉi au na zinama si arau, meke sa maqomaqo pa korapaqu si lopu boka tuqe pule.

¹⁹Guana siṉi au na vaeni sapu hata siraṉa pude vura, guana vovoina vaeni vaqura sapu ona hiva puzaka.

²⁰Kaqu zama si rau na lopu boka tuqe pule ia rau, uve, kaqu zama vura si rau.

²¹Lopu kote va kalekale si rau, babe va lomolomoso ia si keke tie.

²²Sina be bokabokaqu pa va lomolomoso tie, si kote la sa Tamasa meke va kilasa au.